السلام عليكم جميعا
قصيدة لي حبيت اشارك بها.
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حلمت حلمٍ ما عرفته بين صفحات الكتاب=ولا عرفت اجيب رمزه بين مكتوب الحروف
الابجدي مفهوم عندي والطلاسم باب باب=والدرسعي نقراه في خشم الجمل واذن الخروف
بابل الى من قريت إحروفها تطلع لباب=واللي سكن يم الحسا ممساه بقصور الهفوف
نرجع لموضوع القصيده بس ما هو للخطاب=احب انوَع دام ما حرم بها ضرب الدفوف
جتني جميله راسها موجود من فوق السحاب=قالت تجيد الشعريا اللي تكتبه حسب الظروف
قالت اقدم لك هديه قلت هاتي ياسراب=من غيرك ابدي لو بغى يهدي عناوينه عزوف
قالت اقدم لك هديه بس حفنه من تراب=واللغز حله كان ما تبغي تعيفك هالهنوف
قلت ابشري في دم جسمي لو تبينه لك شراب=انتي عرفتك والعلامه نخلةٍ فوق السيوف
حماك ربي ما يطولك من نوى فيك الخراب=لو جارت الدنيا علينا انتي الأم العطوف[/poem]