السلام عليكم ورحمة الله وبركاته
هذه قصيدة اهديها لكم ولها موضوع وهو شخص اتصله ولايرد
ويكذب علي وذات يوم كشفته في مجمع اتصله وهو يضع جواله على الصامت
وحبل الكذب قصير وبعدها قلت هذه القصيده
أن كان رقمي جاء على شاشتك قول ،،،، أني بدون أصل ٍ وفصل وكرامه
مـانيب مـن يرضـى عـلى داير الحـــول ،،،، بجفـــاك لين انها تقوم القيــامه
لوكــــان دارك كلهـــا رياض وسهـول ،،،، الهــــرش ما ياكل فرايد سنــامه
ولوك هرجــت بهـــرج عاقل ومعقول ،،،، مكــان لحــقت بهــرجـــي مـلامه
المشكــله يوعد وعــده عــلى طــول ،،،، مامرت يصـــدق معـاي في كلامه
مقبول مـا جــا مـنك يافــلان مقـبول ،،،، الحـــــر مطـــلاعه براس العــدامه
المشكـــله أنك من طحاطيح وزحول ،،،، كــنهم جــبل حوران هامه وقامه
جـــاك الكتـاب وشـايله كل مرسول ،،،، عســــاك تفهم كان عندك فهامه
واختامها أن شفت رقمي على طول ،،،، قلي بدون اصـل ٍ وفصل وكرامه