[align=center]السلام عليكم ورحمة الله وبركاته
أتقدم بالشكر الجزيل أولا للشاعره الأنيقه / لين على ترحيبها وكرمها لي في غرابيل
وأصافحها وأصافحكم بهذه القصيده لعلها تنال على رضاكم وإستحسانكم[/align]
[align=center]يا فرحة أمك[/align]
[align=center]أحدى منشورات مجلة المختلف في عددها 176[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مثلـك بـلا مبـدأ بفعلـه وقـولـه=لا وازع ٍ دينـي ولا عِـرف عِقّـال
رجال لكـن منـت حـول الرجولـه=حرام مثلك يلبـس شمـاغ وعقـال
مير البلا إنك مـن سلايـل حمولـه=مثلتها بالشيـن مـن قـول وأفعـال
حلـم العصافيـر الصغيـره وزولـه=زول البغال اللي لهـا قيـد وحبـال
مثلـك عرفنـا مبتـغـاه وميـولـه=شكواي لله فـي ضعيفيـن الآمـال
قهري على مثلك صعيـب ٍ وصولـه=قومي هل الطولات أجاويـد وأبطـال
لي في بحور الشعر صولـه وجولـه=مثلي غدت بالشعر مضرب للأمثـال
أكتب قصيد ٍ عذب وأعرف أصولـه=رطبـا طريـا يانعـا يشـرح البـال
مدهش ومنعش ينعش اللـي يقولـه=سهـلا بسيطـا صافيـا كنـه إزلال
وانته قصيدك مانهض مـن خمولـه=مير الصحافـه دورهـا حيـل فعّـال
ماني من اللـي تنهـزم بالسهولـه=أقوى من الصخرات وأرسى من جبال
وإذا على بنـت إنتصـارك بطولـه=يا فرحة أمك جابـت اليـوم رجـال
[/poem]
رد مع اقتباس
-new.gif)
