السلام عليكم
ياأخوات هذي اول مشاركة لي وانا والله بحاجة ابداعاتكم وافكاركم الحلوة
أنا متوهقه وأبي منكم المساعده ممكن !!..
وهذي قصتي :
أبي افرح صديقاتي اللي هم اكبر مني بصف
وتخرجوا هالسنة لكن المدرسة ماسوت لهم حفلة تخرج لانهم مشاغبين حيل وصراحة كسروا خاطري وقلت اسوي لهم حفلة بعد ماتظهر نتايج ثنين منهم راسبين وتصير الحفلة شاملة للمتخرجين والراسبين الناجحين وبكذا اكون ضربت عصفورين بحجر
لكن ابي اسويها لهم مفاجأة ومابي احد يدري الا بوقتها
أنا قررت
* اسوي لهم وشاح التخرج بيدي...((كاسرين خاطري محد سوالهم))
* اسوي شهادات للناجحين بالكمبيوتر لكن ابيها بطريقه فكاهيه..
* واهديهم هدايا بس مادري وش اهديهم ..
وقاعدة اخطط بلحالي لكن تعبت من كثر الافكار المتلخبطة وعقلي متشتت ومادري وش اصلح وابي احد يشاركني بافكاره واتمنى محد يبخل علي بافكاره ..
واقول لكل وحدة ساعدتني..
جزاكي الله خيراً..وزوجك شيخاً..وأنجبت للمستقبل جيشاً....!!
مع التحية....