[poem=font="Simplified Arabic,4,blue,bold,normal" bkcolor="transparent" bkimage="" border="double,4,blue" type=0 line=0 align=center use=ex num="0,black"]
الورق و الحبر والشعر والفكر الشتات=والهواجس والقوافي مع موج البحور
والحزن والضيق والهم وافراح الحياة=واللين والشده وضحكات بسمات السرور
وذكريات أسنينا الراحلات الماضيات=لين أواخر هالزمن والسنين اللي تدور
بشهورها وأيامها والليالي المعتمات=اللي بها ماتستوي فالهواء كل الصدور
قمة(ن)ثارت بحور القصيد المغزرات=وأصبحت منها قواعد لتوجيه الشعور
ثورة مشاعري والهواجس مقبلات=وجمعت فيني الهواجس ولمت بالحضور
البارحه وأنا بساعات نومي فالمبات=ثار قافي واطلق اللي من العام محصور
ردد وغنى بطاروق ياسيد البنات=هيه هيه أنت أرفق أرفق دخيلك لاتجور
الهوى يابنت ماتنحمل فيه العصاة=والوفي يبقى وفي لايلف ولايدور
وعلمي من من يقول الهروج الصادقات=واحد بدرب الهوى يالهوى مابه قصور
تايهن فالحب وأخلص بحب أجمل فتاة=مخلص للعهد لي قال عهده مايبور
ياعظيمه بالجمال آنسه بالمحسنات=يامليكة شعب ياحاكمه دار وقصور
ذيك نعمه سُخرت للقلوب القاسيات=لو نظرها طارد الدم يسمح معذور
ذيك لو للتغلبيين ياجساس جات=كان مادمركم الزير في حربه دهور
ولا شرب كاس الخمر وأجتمع بالجاريات=ولاأعترف بكليب ونوى من القاتل يثور
أستغفرالله قلت هذيك ضمن المنزلات=أستغفرك يارب يالله إلهي ياغفور
لاتعذبني على كسب بعض المعصيات=ذيك فيها الهرج ينساق من غير الشعور
مستحيلات الدهر سبع بس المعجزات=أنك تصادف على الأرض في دنياك حور
أحمدالله جابها الحظ واعلن بالغنات=وأصبحت وسط الحشا كنها بدر البدور
واستراحت فالحشا نورت كل الجهات=وشيدت بيني وبين الغوى ميتين سور
وعذلتني من البنات الطغات المذنبات=وكل من كانت على الجرم والفتنه تثور
قالت أنا مخلصه لك وأبي منك الوفات=تخلص وتوفي بحبي لأن طبعي غيور
وبالعهد مديت كفي إلى يوم الممات=بالوفاء والحب والصدق لي يوم القبور
وشعلت فيها الشعر وأجمل لحون الاغنيات=وكتبتها قصة غرامي على كل السطور
خليتها ليلى وأنا قيس في هرج الرواة=وصرت أنا مجنونها اللي لها دمي يفور
وكان ماخليت يدري بها حتي النبات=وتستمع قصة هوانا بتغريد الطيور
وأنطق بها صم الأحجار فوق النايفات=والبحر هو والشجر والثمر هو والبذور
ماكون من من يعتزي الوايلي للقوم جات=والكل صاح لعزوته ساعة البندق تثور
برمي الغتره وهاتوا البراقع والعباة=كان ماخليتها تنذكر في كل دور
أقولها فالشعر وأنا بعرفي والثبات=شاعرن معروف عند الغيابا والحضور
أيه أنا شاعر وحب العلوم الغانمات=والشعر ملكي من القاف لي حد البحور
يكفي أني كل ماقلت ياسيد البنات=مانظرت الا القمر محتويه أشعاع نور
مانع الوايلي[/poem]