[align=center]كتبت ريانة الشعر الى الام فأجادت
وكتبت انا هذه المجاراة :: ليس طمعا في المنافسة في الكتابة عن الام
ولكن لان الأم كانت هي الملجأ الوحيد بعد الله في موضوع هذه الخاطرة
اترككم مع متواضعتي ((( الله يسمح دربها )))
يمه ارفعي كفوفك
لابسطتي سجادتك
ادعي لها .. ربي يهنيها
عسى الله يسمح دربها
وعسى الفرح يملى قلبها
.
يمه تراها لي الحلم العظيم
وحبي الكبير
وفرحة حياتي ..
تملا حياتي عطر
وتملا احساسي شجن
كانت تغيب .. واشتاق لها
كانت تغيب ..
وانتظرها
ثم تجي
ومعها تباشير الفرح
.
يمه تراها منية لولدك
يمه .. ناديها ف دعوتك
وادعي لها
ربي يهنيها .. ويسمح دربها
ابد لا يمكن تكون
مجرد انسانه عابره
ابد لا يمكن تكون
مجرد حبيبه .. ثم راحت
اهيَ بالنسبة لي
انسانه من فوق الخيال
وفوق الظنون
يمكن قدسية مشاعر
أو طهارة حس
والاكيد انه
حب جنوني
ويمكن اني اكون
اول انسان حب ..
بهالجنون
يمكن اني اكون ..
عاشق مجنون ..
يمه .. حبيبتي راحت
معقوله راحت ؟!!
وآآآنا
من بيملى ليلي عطر
من بيملى احساسي شجن
من بعدها ..
من اللي بشتاق له ..
وبوله عليه
.
يمه تراها حبيبة لولدك ..
ادعي لها
ربي يهنيها ..
ويسمح دربها ..
يمه تراها غالية ..
لاناديتها .. قالتلي سم
انتا حياتي ومنيتي ..
ويوم(ن) أفرح وأقول :
وانتي كوني ودنيتي
تبتسم .. وتنور الكون الوسيع
وترجع تحضن كفوفي
آآآآآه يا يمه ..
معقولة راحت ..
ومابه رجوع
ومن هو اللي اختارها ؟!!
هو ما درى عن حبنا ؟!!
هو ما درى عني انا ..
واني اعشقها بجنون
نادوه لي ..
بقول له ..
تراها عندي غالية
وانك انت ..
قتلت حلم كبير
عاملها برقة مشاعر ..
كلمها باحساس شاعر
تراني عودتها دايم ..
اسمعها في كل ليله ..
قصايد شعر ..
وسطور النثر
مو مهم .. شعر ولا نثر ..!!
الأكيد انه .. يعجبها حلو الكلام
وتنام في حضن الغرام ..
تغفى على كلمة أحبك
وتصحى على ..
يسعد صباح حبك
تراني معودها ع الدلع
وتراني معيشها ف العشق
عشق جنوني ما اروعه
ما اعذبه
ما اجمله
ولا تنسى تمازحها بأدب
حتى يبين الثلج
من تحت الجمر
تقدر تسوي كذا
تقدر تنسيها انا
تراني معودها كذا
..
وانا بدعي لها
وبرفع كفوفي للسماء
عسى الله يسمح دربها
و يمه ارفعي كفوفك
لابسطتي سجادتك
ادعي لها .. ربي يهنيها
عسى الله يسمح دربها
وعسى الفرح يملى قلبها[/align]
[align=center]][][§¤°^°¤§][][ابو فيصل 111][][§¤°^°¤§][][[/align]