أعزائي صباح الخير
لكم مني هذه المتواضعه والتي أتمنا قبولها
[poem=font="Simplified Arabic,6,black,bold,italic" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
جتني وكحلتها على الخد سايله =الدمع يذرف ساكباتن همايله
جتني بلهفت شوق عقب المفارق =تشكي المصايب والزمان وفعايله
من بعد طول الوقت جتني وجيتها =في صدفتن من عقب قفت رحايله
في ساعتن محدن توقع لقانا =في ليلتن بالبخت والحظ مايله
تنوح تشكي غدر الايام والبشر =وتندب على حظن قليله مخايله
من لوعت الايام ذايب خفوقها =شح الدهر ماأعطى لها من قلايله
جت والتجتبي وأحرقتني بدمعها=وغديت كني فوق جمر الملايله
وطرت لي جروحن سببها بعادها =ولاظنتي أجروح قلبي بزايله
وعزمت أقفي وأتجاهل نحيبها =وأصد عنها عله أكبر جزايله
حيثن جمر الامس فيني مولع=جمرن حرق قلبي وضيع دلايله
لكنها بأهاتها وقفتني =وبدمعها اللي قام ينزف سوايله
للحزن فيها شفت مرسام واضح=بين ولاتخفى عليه عمايله
وشفت السواد اللي تملك حياته =وأتعب مفارحها ويبس بلايله
شفته مخيم وأستقر وتتملك =في عينها وأيضا سكن في جدايله
وبليلها وبكحلها وبهدبها =وفي حظها جمع وحصل حصايله
وسألتها وأبدت عليه مصابها=أبدت لي الخافي بدق وجلايله
ماأخفت عليه من عناها ويأسها =وباحت بقصت ضيم الايام قايله
أمي توفت من زمانين ماتت =وخلت بي الحرمان يشعل فتايله
الموت حايل بيني وبين شوفها =والقبر حايل والنصيبات حايله
ياليتها حيه وتدري بحالتي =وتبدع طواريق الامل مع مثايله
ماكنت مرهونه لحد التعاسه=ولاخضعت لمن هو أضمر غلايله
في مامضا بالحب تمسح جروحي =تمسح جروحن في حشا الروح عايله
واليومه أشكي مير منهو يشكوي =نهلت من بحر التجاهل نهايله
وأبوي مايدري عن اللي جرالي =لاهي ويحصي فوقي أصغرجمايله
في حالتن من ضعف قدام دنيته =صد وتجاهلنا وهمل خلايله
وزوجت أبوي اللي بلتني بضيمها =أقسا علي من الزمان وهوايله
ماقدرت ضعفي ولايتمي اللي =حطم كياني وأتعبتني وسايله
في كل ساعه أحترق ألف مره =وأسكت وانا في داخل القلب شايله
حسبي على وقتن رماني بحجرها =من عقب أمي طحت في كف طايله
كفن حديد وقلبن أقسى من الحجر=مايعرف الرحمه ولو نال نايله
ولامن ذكرت من الغصيبه جروحي=أجروح سال أبها القدرمع مسايله
أخفي العبره وأداري مسيلها =وأكن همي في ضلوعن نحايله
أبوي زوجني وأنا أصرخ غصيبه =لإنسان جاهل دانياتن خصايله
منحط لكن سود الايام والقدر =تفرض وهذا الوقت لازم نحايله
وحاولت أدوس الجرح وأصبر على الشقا =وعجزت مع وقتن كوتني قوايله
أعيش بين الياس والخوف والندم =غريب وسط الكون رغم أنتماي له
واليوم جيتك مات في الناس ظني =ولاغيرك أحد من البشر عنه سايله
علك تطفي جمرة الوجد والتعب =أنته دواءجرحي وأنته عزاي له
وحاولت أهدي روعها وأزرع الامل =وأدفن جروحن في حشا الروح عايله
وأضم جمرتها بكفي وأطفي =لهيبها وأطفي بقية فتايله [/poem]
رد مع اقتباس
-new.gif)
[/align]
