خواطر ماجد بن خرصان :
--------------------------
بعد الجفـا ! صدفه تلاقيت وياك
يامجرمً فيني // . . بقل اهتمامك
تقول لي مشتاق لك حيل واهواك
واكذب على نفسي واصدق كلامك
--------------------------
اطهر انواع المحبه . . ياعرب
انك تحب انسان ماهو ملك لك !
تبتسم لانه سعيد . . وتغترب
وتختنق الانفاس ويضيق الفلك
--------------------------
ليه القطاعه ! دامني منك وفيك
تخطي ولا تقبل من احدً نصيحه
ادق رقمك كل ليلـه . . واحاتيك !
ولجلك بعد غيرت #رقم_الشريحه
--------------------------
انتقام الاذكياء . .اكبر مصيبه
يحيرك مابين // قاصد او ناسي
المعاتب جرّح احساس الحبيبه
وتركت لي عطرها فوق الكراسي
--------------------------
لا تعز انسان . . ماقدّر وفاك
يستهين بطيبتك فيه استهين
ولا تلاحق من يدور عن جفاك
اتركـه حتى ولو هو كان مين !
--------------------------
اذا كرهت إنسـان بشعور واحساس
لا تكرّه الناس . . بطبايعـه ياخيك
دع غيرك يعيش التجـارب مع الناس
يمكن يكون العيب ياصاحبي فيك
--------------------------
اعاتبك احيان // . . بس وربك
اتذكرك // . . .لا جا عطرك بثوبي
من كثر ماحبك // واهيم بحبك
اصبحت اشوفك في جميع دروبي
--------------------------
اشاهدك من خلف الاسوار واسج
واجر صوتي . . والمخاليـق هجاع
حظـي على وصلـك ولقيـاك محتج
يامرثً جرحك وسط عوج الاضلاع
--------------------------
اطيب في ناسً معي عيت تتطيب
كل مافعلت الطيـب قالوا يجامل
ذكر الردي . . والله ماوقر الشيب
شيب وقلبه في الردى شبه ثامل
--------------------------
ياصاحبي لا عاد تشـره على الناس
الناس ماخلـوا //..دفين المقابر
وان جاتك الطعنه فلا تصير حساس
الناس ماعادوا على منت خابر
--------------------------
اشهد ان النفس // . .دوامة جدل
والجدل مغروس بقلوب البرايا
يوم شفت الصمت به معنى العدل
حملونـي بعضهـم وِزر النوايا
--------------------------
اعطيـك فرصـه ابيـك تعـدل الغلطه
وترجع وتغلط وكنك تقـول بـ العاني
قلبي بسبتك جاه الضغط والجلطه
ياليت ربي خلق فيني #قلب_ثاني
--------------------------
اليا اختلط صوت المطر مع صوتك
طـرب موسيقـي ماتملـه اذنـي
وشلون لو // شفت الكرز مع توتك
بالله هاتك لي شوي او خذني
--------------------------
عمار يابيتً على العـز مبناه
مامال من ريح الهوى والعجاجه
وجداه ياخلً نسى خل يهواه
ورجع مهو مشتاق! راجع لحاجه
--------------------------
من كثر مانا اعزفك بـ اوتار الكمان
انقطع فيه الوتر ..وانا اعزفك
انجـرح كفي // . . . وغرّق هالمكان
مانزف بي دم انا كنت انزفك
--------------------------
الاوفيـاء اعدادهم جـداً بسيطه
ماتخطوا بالعدد روس الاصابع
والخيانه والغدر باقي الخريطه
كيف باتحصي عددهم يامتابع !
--------------------------
دور على اللي خوتـه // تنشرى كاش
يبقى معك لو مابجيبـك مصاري
وابعد عن اللي في الوغا سيم ببلاش
اللي يسمى .. بالرفيق التجاري
--------------------------
الاعمار تمضي والسنين محسوبه
وزلاتنا . . فـي كـل يـوم تكـرر
قالوا العروبـه // قلت وين العروبه ؟
والقدس لين اللحين ماقد تحرر
--------------------------
يَ #كذبة_أبريل اسف يوم سميتك
على اسم شخصً عشقتـه لين خلاني
انتي اصدق من فعوله //..وياليتك
تمحين ! لان فيك ذكرى جرحه الثاني
--------------------------
اكبر ألم لاجيـت تحبـس مـواجعك
ثم كبريائك ينكسر من دموعك
يا اول كتابً كنت اعيدك واراجعك
مزقت صفحاتك بعد بان نوعك
--------------------------
ابعد عن عيونـك ! علشـان تشتاق
وارجع ولا هـزك غيابي ولا شي !!
ياليت من درسك اساليب الاخلاق
يوددك في ميت بحبك وهو حي
--------------------------
اضحكي واتركي عينك تسولف علي
الزهر يسرق انفاسك وانا مشتهيك
انتي انقى الجواهـر والدرر والحلي
كل ماجيت ابنهي قصتك . .ابتديك
--------------------------
هو صحيح ان الصراحه جارحه
لكن ايش اقسى من حروف الصريح !
كذبة مجامل . . بدون مصارحه
بتخـلفـهـا صـدمـةً // . . منهـا تطيح
--------------------------
لا تتسرع في قـرارك او بـممشاك
شوف كم حادث سبب قطع الاشاره !
ولا تقلد في البشر . . هذا وهذاك
شوف ظلك ينكشف في اقـرب إناره !
--------------------------
عقول الا يالله تشفي مرضها
اخـف من ريشـة طيـورً تهـاجر
لو العرب تعرف نوايـا بعضها
كان التصافح بيننا بـ الخناجر
--------------------------
بنسـى الغـلا // وانسـى مواعيـد ذكراك
مادام قلبك في الهوى ماهو يحس !
بـ الامس ابي منك وصل واعشق رضاك
واليوم ابي منك فقط قلبي .. وبس ✋
--------------------------
وسلامتكم اتمنى تنال على رضاكم