بسم الله الرحمن الرحيم

احبائ وأخواني على قولتنا ( يوش يوش ) يعني شوي شوي ارفق يابوك ترى والله الدعوه ماتسوى لآن مفي نتيجه الا سلبيه وعكسيه اقولك دخلت قبل كم يوم الا والله وذاك الموضوع الي يقول اتحدى السوق ينزل وإذا نزل امسحو معرفي ولا تسلموني علي ولا تكلموني ولا ولا ولا ...... الخ وبعدها بكم يوم الا والله ذاك الي طلع ويقول اهاااا انا ماقلت لكم انا مانصحتكم انا ماحذرتكم هذا السوق نزل وأنا عندي خبر من بدري وحذرتكم لكنكم قمتو تستهزئون بي وتحديتوني وا وا وا وا ........ الخ وبعدها ارتفع السوق طلع لك واحد يقول انا قلت لكم امس دخوووول لكنكم ماسمعتو كلامي وألف ألف مبروك للي سمع كلامي ودخل معي امس انا كنت منزل موضوع ومافي ردود الا اثنين وا واو او ...... الخ .

اعزائي وأحبابي احببت ان اوضح نقطه مهمه بأننا جميعا اجتمعنا في هذا الصرح الشامخ كي نتبادل المعلومات وننفع بعضنا بعض مع اننا لانعرف بعض الا من خلال المنتدى وهذا شي طيب بان نثق بهذا الصرح الشامخ اولا ثم باالكتاب والمحللين الموجودين وهم بفضل الله كثر ومن الثقات ربي يكتب اجرهم ان شاء الله .

النقطه الثانيه السوق يأحباب مش سوق عواطف هذا سوق مال ومثل مافيه صعود فيه نزول وقد يخالف السوق توقعات المحللين لآنه مرتبط بأمور خاجه عن المألوف اقصد قد يؤثر عليه امور سياسيه او اخبار قد تكون ايجابيه او سلبيه المهم ان سوقنا رايح يتأثر بها سواء في الصعود او النزول .

يعني ماله داعي نتشاحن ونتناحر فيما بعضنا انت قلت السوق بيرتفع وارتفع خير وبركه وربي يكتب اجرك ان شاء الله وانت قلت السوق بينزل ونزل خير وبركه ومشكور ورحم الله والديك على تنبيهك لآعضاء هذا الصرح الشامخ المهم الآخوه والمحبه والثقه تسود فيما بيننا كي نرتقي بفكرنا وبتعاملاتنا وهي سوف تنعكس على منتدانا وعلى الآعضاء يعني في النهايه سوف نكسب ثقة الآعضاء بخدمتنا لهم ويعلم الله ان هذا شرف ومن يوفق لخدمة الناس فقد ربح شأن عظيم وأجره عند الله وهذا الآهم .

احبابي يعلم الله يوجد الكثير من الثقات بفضل الله في منتدانا قل ماتجد لهم نظير في المنتديات الآخرى وهذه بحد ذاتها نعمه من رب العالمين واتمنى من الجميع ان يتابع المتابعه اليوميه وقت التداول وسوف ترى الجهد المضني والمبذول من خلف الشاشات لآناس لاتعرفهم لكنهم حريصين عليك ويعاملون محفظتك كمحافظهم ربي يكتب اجرهم ويجزاهم عنا كل خير .

نهاية كلمتي يأحباب الكلمه الطيبه والتعامل الآخوي فيما بيننا مطلوب ويجب علينا ان نتحمل ونوجه بعضنا بعض لآننا اجتمعنا لهدف واحد هوى الفائده للجميع ان شاء الله

اعتذر على الإطاله مع حبي وتقديري للجميع

ابا عبدالعزيز