السلام عليكم يا بنات
امس كانت عندى مراجعه عند دكتور انف واذن وحنجره من جنسيه عربيه
الدكتور مكتوب بال cv انه بروفيسور واستشارى وشهاداته بالمكتب موجوده مراجعتى كانت س 4.30 وانا من 4.30 هناك ناطره تمللت السستر كل شوى تقوم تدق على الدكتور وينك وينك ويقول شوي واوصل هذى اول شغله طفرتنى العياده فاضيه مافيها احد بصراحه هذا شي خوفنى بعدين قلت لا عادى الدكتور مادحينه وبروفيسور اكيد شاطر وصل حضرته س 5 عقب دقايق دق على السستر علشان ادخل اساس المشكل اهنى (( انا للامانه ماحب اقطع رزق احد ولا اتكلم بس اول مره بحياتى اشوف دكتور مايفهم بنظافه بشكل كامل اول شغله واهوا يكلمنى عطس وحط ايده على حلجه ولا استخدم كلينكس ولا غسل ولا معقم ولا شي للاسف ثانى شغله قالى قعدى على الكرسي علشان افحص رحت قعدت واهوا ظل يكتب لمدة 10 دقايق وانا قاعده وكل شوى اناديه يقول اهوو جاي جاي زين ارتفع ضغطى يااه عندى يبيى يشغل جهاز قام افتر ورا الجهاز مو عارف من وين يشغله والزر جدامه موجود اهنى بغيت اشيل جنطتى واطلع صبرت وسكت قعد يفحص اول شي اذنى وانا رايحه علشان مشكله متعلقه بالحنجره نهائيا مالها شغل بالاذن واهوا عارف قام فجاه خذا جهاز شفط الشمع بسرعه يبى يحطه باذنى قلت له لحظه هذا شنو قال شويه شمع مش عايزه اشيلوو قله لا مابى مو مضايقنى ! بعدين قال محتاجه منظار بو دقايق قلت اوك خذا الجهاز ومسحه بكلينكس بس تخيلوااا لا معقم ولا بطيخ قلت بقلبى اكيد معقمينه مستحيل يعنى الكلينكس خذاه وقطاه فوق علبه فيها قطن او شاش شغله جذى تكرمون حتى زباله يمه مافيه والاهم انه ماعنده سستر اهوا بروحه وطلعت من العياده بمبلغ كبير قالى عقب الفحص محتاجه عمليه بسيطه تكلف 900 دينار مادى بشكل مو طبيعى وقعد يشرح شلون راح يسويها وكل شوي يحط ايده بخشمه وينقف لاااااااااااااااعت جبد جبدى بغيت اقلب العياده فوق راسه واطلع وايد ضايق خلقى وبصراحه ابى اشتكى عليه لانه النظافه بالعياده مو موجوده عيل جهاز منظار ينمسح بكلينكس !! المهم انى اليوم مريضه صخونه وحراره وجسمى متكسر ومابى احط بذمتى ا مرضت من وررا قلت النظافه اللى شفتها ودخلت مريضه وراى على طول لا سستر عقمت الاجهزه ولا سستر تساعده اهوا البروفيسور والسستر اذا بقدم شكوى على هالشغلات اللى شفتها وين ومنو المسؤؤل ويعطيكم العافيه ....