بسم بالله الرحمن الرحيم

أخواني وأخواتي رواد أسواق الاحساء سيتي

راح تنظم جمعيه شهرية المبلع على حسب العدد طبعاً ادارة الجمعية ناس ثقه وتخاف الله مع وجود

ضمانات راح يتم ذكرها بأخر الموضوع من ضمن الشروط طبعاً الجمعيه تقبل الي على قد حالهم

ومسموح دخول الشركاء ( 500 ) ريال تقسم بين اثنين (250) ريال على كل واحد والعدد مسموح

كل ماكثر العدد تطول الشهور طبعاً راح يكون هناك تنسيق لحفظ حقوق الجميع بعقود رسمية ( بالعامية )

فيها سجن ومطالب بتسديد المتأخرات دفعه وحده لأصحابها ولن يتم التنازل على ريال واحد

إلا إذا عفى عنه جميع أعضاء الجمعيه :/:

لتوضيح :/:

الجمعية تتكون من إدارة نساء / رجال ، الباب مفتوح لناس الثقه وكل شخص مسؤول على معارفه

ويعتبر هو كفيل غارم يجمع المبالغ من معارفه وأقاربه ويرسلها على حساب الي عليه دور إستلام

الجمعيه الموظفين الحكوميين كل تاريخ 27 من كل شهر تحول المبلغ على حساب كفيلك وكفيلك

حولها على حساب الي عليه الدور بإستلام المبلغ ... طبعاً في طريقة ثانية وأكثر ضماناُ وهي عن

طريق إستقطاع على حساب الراجحي بس مراعاة لأخواتنا الي ماعندهم حساب بالراجحي وحبينا

نسهلها على الجميع والكفيل هي المسؤوله على تجميع المبالغ من صديقتها .. والرجل يجمعها

أصحابه ..

الشروط ::/

1- أن تكون / يكون المسؤول موظف حكومي أو إحدى الشركات الكبرى كاسابك أو أرامكو .

2- أن يكون على إستعداد بحلف اليمين أنه يتكفل ويضمن أصحابه على الأستمرار .

3- مسؤول الجمعية لايحق له إستلام الجمعية إلا أخر واحد بالجمعية حتى لايكون هناك تلاعب

وراح ينظر إن كان هناك ضمان مقنع ويقتنع به جميع أعضاء الجمعية .


4- الأول والثانية والثالث ماعندنا من باب العدالة القرعة أو إن تنازل شخص ويرغب بتأخير

لعدم الحاجه لها .

5- يحق لك الإنسحاب من الجمعية في حال عدم القدرة على المواصلة لأسباب عجز مادي مثل توقف

حافز ظروف زواج ...........إلخ وترجع له مبلغ الشهور الي دفع فيها .

6- أن يكون جميع أعضاء الجمعية من أهالي الأحساء أو وجود وسيط ينوب عنه بالأحساء موظف

أو موظفه كاضامن حق الأعضاء بعد الله سبحانه وتعالى

طبعاً أنا لاعرف أحد هنا إلا ناس إن شاءالله ثقه حتى تستمر سنوات في حال الرغبة في إستمرارها

بالنسبة للإدارة ورئيس الجمعية الكل رئيس والشخص الي يضمن حق الاعضاء بكتابة عقد بينا وبينه

وهي والله ماتحمل على 250ريال أو 500ريال أهم شي الثقه تدوم وحقوق الناس لاتضيع وهي فك أزمه

للمحتاجه وللمحتاج وتعتبر تعاون على البر والتقوى دعوة إمرأة كبيره أو رجل مسن تفتح لك أبوب

الجنه وأنا عن نفسي إن شاءالله في ثقه قسم بالله العظيم مانزلت هذه الفكرة إلا للمساعدة والوقفه

مع أخوانا وأخواتنا

والله الموفق

ولاتنسون قبل كل شي ركعتين الإستخاره اللهم إني أستخرتك في دخولي هذه الجمعيه

إن كان فيها خير لي ولأهلي ومالي فيسرها لي وإن كانت في شر لي ولاهلي ومالي فاصرفها عني