بسم الله الرحمن الرحيم

السلام عليكم ورحمة الله وبركاته


هارد لك يالملوك بصراحة مباراة شبه متوقعه من قبل تبدأ بناء على المعطيات .. لكن كسبنا فريق وأسماء

طبعاً ما يحتاج نتكلم ان الأهلي استاذ في الالتراس والدليل حركة #نادي_الفرن اليوم ههههههههههه رحمتهم

قبل المباراة أبسألكم سؤال وفكروا فيه للي بيفكر مع اني ما اعتقد الجواب بيكون بديهي ..

لو فرضنا انك مدرب في أي مباراة كانت .. وعندك خيارين يا تلعب سوك ولا تحط بداله خشبه وتثبتها في مكان في الملعب

من تختار .. سوك ولا البديل !؟

في حالتي بأنزل الخشبة يمكن تضرب فيها الكورة وتصقعها بطريقة صحيحة .. اذا المدرب اصر على هذا المهاجم

فهذا يدل على واحد من اثنين .. اما ثقة مفرطة او طنقرة مفرطة ايضاً .. المدرب لازم يكون مرن ما يصير نفسية ومتمسك

في آراءه .. يعني سوك بالله مهاجم تعتمد عليه وتخليه لحاله !؟

لا دفاع
ولا هجوم
ولا صناعة
ولا تمرير
ولا استلام
ولا تسليم
ولا رأسية
ولا مراوغة

فائدة وحدة أدورها في سوك مالقيت الا انه يذكرني بشقران في المقدمة ويرجع لي الأيام الجميلة يوم كانوا يمتحنونا في سباق الهجن

الحين الهجن امتحنونا في مباراة نلعبها بفريقنا يعني بكرة نشوف ناقة ثانية تسابق معه اذا استمرينا عالعناد !!

شي ثاني شفته اليوم غير سوك .. اللاعبين وشفيهم يتحضنون بعض واذا شافوا الكورة يطبون عليها طقم :d ؟ اكثر من مرة تجالدوا

ودخلوا ببعض الموضوع غريب وين الانسجام وين التركيز ماكأنهم بفريق واحد .. مو الاهلي اللي شفته الشوط الأول

طبعاً دخل اريك رتب الأوضاع كلها يالبيه بس :D

ندخل في الأرقام :




طبعاً هذي الأرقام كلها حسب توزيعي الشخصي وتعتبر وجهة نظر حالها حال مواضيعي كلها :

أول شي بأبدأ بألارقام السريعة :

امتلاك الكرة :

20% الشوط الأول 30% - من بداية الشوط الثاني الى الدقيقة 75 - 50% الى نهاية المباراة

أماكن لعب الكرة :

30% عند دفاع الأهلي - 20% عند وسط الأهلي - 20% عند وسط الهلال - 30% عند دفاع الهلال

فاعلية أداء لاعبين الأهلي :

10% الى الدقيقة 30 - 15% الى نهاية الشوط الأول - 30% الى الدقيقة 75 - 45% الى نهاية المباراة

توزيع لأماكن الأخطاء :

10 % في الدفاع - 25% الوسط المحور - 15% في الوسط الهجومي - 50% في الهجوم

تقييمات سريعة :

الهجوم : 1 من 10
الوسط الهجومي : 4 من 10
المحور الدفاعي : 4 من 10
الدفاع : 8 من 10
الحراسة : 10 من 10 ( ماشاء الله الله لايغير علينا الا بالافضل )
تبديلات المدرب : 8 من 10
اللعب النظيف : 8 من 10
التركيز : 4 من 10
الثقة بالنفس : 4 من 10
انسجام الفريق : 2 من 10





نجي للاعبين ونقيمهم واحد واحد :

المعيوف : 10-10
ماشاء الله تبارك الله اليوم المعيوف استقعد لهم بما تعنيه الكلمة .. فرص كثيرة محققة لكن الحمد لله ماقصر المعيوف

الزبيدي: 6-10
اسامة : 8-10
أمان : 7-10
عقيل : 4-10
منصور: 5-10
باخشوين: 4-10
موسورو: 4-10
تيسير : 8-10
السوادي : 7-10
سوك : 0-10
فكرت احط سالب واحد لكن قلت الادمي كان واقف طول المباراة مالها داعي احط سالب .. والله ناقه !!

البدلاء :
بصاص : 6-10
بصاص اتمنى ما يتبع اللي يسويه تيسير وهو اذا انضغط يتأنن ويدور الحلول الفردية .. راجع نفسك بصاصنا

ايريك: 9.5-10
والله فنااااااااااااااان ومكسب كبير جداً للنادي اتوقع له مستقبل كبير مع اهلينا

المطيري : 6-10
باقي بدري عليه



همسات

- تبديلات بيريرا كانت عبارة عن هرب من النتيجة والدليل انه جرب لاعبين في وقت حساس جداً .. خصوصاً عبدالله المطيري اللي تمنيت ينزل في وقت احسن من كذا

- تبديلات الجابر كانت قوية ثبت المحور واعتمد عالمرتدات والدليل انه نزل صانع لعب بعدها

- دفاعنا شكل قوة واستماته طول المباراة مع انه حصلت بعض الحركات الغريبة من تصادم اللاعبين وعدم التناغم بينهم وكأنهم اول مرة يلعبون مع بعض

- دفاع الهلال يسولف .. والحارس نسخة من النتيف .. سهل اختراق الدفاع ولو لقي السبيعي تسديدات قوية بيدخل اكثر من قول

- خسرنا لكن خسرنا ببلنتي وبتهور عقيل لكن كسبنا فريق ولاعبين .. الفريق يبث التفاءل لكن بدون سوك

- فترة الانتقالات انتهت قبل يومين .. يعني لازم نصعد من الاولومبي هجوم ونفعلهم بقوة .. الحل يابيريرا لا تبدع من جهة وتخرب من جهة

- بديت اغير قناعاتي في بيريرا مافي حلول للمشاكل ولا في هوية تكتيكية للفريق .. اشياء غريبة تحصل خصوصاً نيفيز اللي انترك لحاله بدون اي مراقب لصيق فيه

- اللاعبين لعبوا بخوف شديد في الشوط الأول .. وانهزت شخصيتهم بعد الهدف لكن ايريك اعاد لهم الحماس

- مشكلة كبيرة واجهها الأهلي وهي السوادي طول المباراة يكافح من جهة وحدة من اليمين فقط .. لو تفعل وسط ايسر ومهاجم ثاني كان قلبنا النتيجة بقوة

- خياراتنا الهجومية هذا الموسم غير موفقة أبداً .. ننتظر ليل ونشوف وش ليله بعدما اقتنعنا ان الناقة عالة على الفريق

- بداية الموسم اهلي بيريرا بدون اي مهاجم كان يستحوذ وكان عنده شخصية قوية في الملعب لكن سرعان ما اختفت .. ليش ؟ السؤال موجه لكم

- متى نشوف الأهلي يلعب عالسرعة وعلى الهجمات المرتدة !؟ هذي النقطتين افادت الهلال والاتحاد كثير لكنها انعدمت عندنا مع ان فرصنا كثيرة

- الدوري باقي شبه طويل لنظمن مكان في اسيا ولنعد لكأس الملك .. لازم نوقف مع النادي الفترة القادمة








تحياتي للجميع .. وتقييم لكل من يناقش الموضوع :)






دقيقة دقيقة

سوك ناقه :/