الخيال / مساء الخير سيد واقع انا اليوم عندي مفاجئه. الواقع/ أهلا خيال يارجل قول برغم أني اعرف ما عندك سالفه. الخيال/ لا هالمره جد. تعرف النادي الأهلي السعودي الواقع/ يب اعرفه وهل يخفى القمر بس يأخي كم له ماحقق الدوري الخيال/ أبشرك راح يحقق الدوري هالسنه أو بالكثير القادمه عند النادي فكر ومال وكل حاجه ويعتمد على الوجيه الشابه. الواقع/ خيال كم لك سنه تقولي كذا وماجاء الدوري. يا حبيبي الشغلة بسيطه وما يحتاج لها تعقيد الخيال/ واقع أرجوك لاتحطمني بس انا متفائل عندنا مدرب كبير وكل شئ تمام. الواقع/ ياخيال الله يصلحك وإذا مدرب كبير تسمح لي اشرحلك ؟. الخيال/ تفضل بس صدقني متفائل ونسيت أقلك الأكاديمية بعد راح تطلع جيل ممتاز ومؤسس الواقع/ يا صديقي ان أردت ان تنافس على البطولات عليك ان تنافس في سوق الانتقالات. يجب ان يكون الرئيس هو من يدفع من اجل ان يفرض فكره وأسلوبه. الخيال/ بس إحنا عندنا أبو فيصل يدفع وماقصر بشي الله يطول بعمره. الواقع/ ومن ينكر هذا رجل قدم الكثير ولكن يا عزيزي يجب ان يعمل بعقليه مختلفه قليلا. الخيال/ ياأخي واقع اعترف لك حتى انا احترت طفشت من نفسي اول مره تحصلي. بس كيف يحققون الدوري؟. الواقع/ عزيزي خيال يجب ان يبعدوك اول شئ انت عن النادي (آسف) ثانيا- يجب ان تتغير السياسه كليا وكذالك يتوقف التفريط في النجوم وراح أخبرك معادله بسيطه يحقق أي نادي فيها الدوري. مدرب ممتاز + لاعبين ممتازين = الدوري وهذي لا تتوفر في الأهلي . ويتوفر فيه اهم شئ وهو المال اذا المشكلة كما قلت سياسه وفكر. الخيال/ لا انت حاقد وما تفهم راح تشوف راح نحقق الدوري والأهلي لا يقف عند لاعب معين وراح نجيب الدوري بأبناء النادي. الواقع / الكلام معاك ضايع وماراح يجئ الدوري ثلاثين سنه قدام .