السلام عليكم ورحمة الله وبركاته
الموضوع واضح من عنوانه
الكثير من الأخوان وانا منهم , يطامرون من سهم لسهم
واول ماينزل سهمه شوي باعه بخسارة وطمر سهم ثاني واول مايشوفه احمر باعه , وهكذا
بدون مايفعل وقف الخسارة , والأدهى والأمر يدخل بكل السيولة
ولايحط احتمال نزول السهم وانه يحتاج للتعديل
وبعد فتره , يكتشف ان المحفظة خسرانه من 10% الى 20%
على سبيل المثال :
اشتريت بـ السيارات 3000 سهم
بسعر : 22.20
ونزل السهم بعدها لـ 21.50
بعت 1000 سهم بـ 21.60 , وبعدها اخذ بالتذبذب وبعت باقي الكمية بـ 22
يعني خسرااااان بالسهم وماصبرت
وبعد اسبوع بالضبط , وصل سعر السهم لمشتراي وحقق ارباح فوقها , لكن فات الفوت وماعاد ينفع الصوت
وكذلك نماء وتبوك ز
الخلاصة :
اختار اسهم بالقاع وتابع سهمك واسأل اهل الخبرة , وقوي قلبك
وخل عنك المطامر , ماوراه الا الخساير واسأل مجرب
الله يكتب لي ولكم الرزق الحلال