هل تؤيدون التعاقد مع فيكتور سيموس وبرونو سيزار ؟؟!

من وجهة نظري فيكتور سيموس لابأس ممتاز ويعشق كرة القدم .. لكن لا اعلم هل اصابته اثرت عليه او لا !!


وبرونو سيزار ممتاز في الوسط والمهارات والتسديد على المرمى .

اعرف انكم راح تقولو مافي فلوس في الاتحاد , لكن اذا تم التعاقد معاهم مايندفع لهم كامل المبلغ يعني مثلا 20 مليون او 30 مليون مقدم !! واتمنى عيد الجهني او ابراهيم البلوي او منصور البلوي يجيبهم للاتحاد ويتعاقد معهم .. ويثبت للجمهور مدى حبه للاتحاد لان جمجوم كلها شهر او شهرين وبيطلع من النادي ... ماقلت لكم ادفعوا الفلوس لجمجوم !! يعني بدون اعذار بليز .. اللاعب بيلعب للاتحاد ماراح يلعب مع جمجوم .

عيد الجهني , ابراهيم البلوي , منصور البلوي , طلعت لامي , احمد فتيحي ,سالم بن محفوظ يالله اثبتوا حبكم للاتحاد وللجمهور وتعاقدوا مع فيكتور سيموس وبرونو سيزار , بدل هجومكم على الادارة ماقلت لكم جيبو لاعبين عالميين !! بس فيكتو وبرونو.

واكرر واقول اللاعبين بيلعبون في الاتحاد يعني يستفيد منهم الاتحاد ماراح يلعبون مع جمجوم او الادارة الحالية . وكلها شهر او شهرين ويروح عادل جمجوم .. بس يالله قدموا شي للاتحاد يالي تنتقدوا الادارة .. عشان الكل يمدح فيكم ويثني عليكم ويقول من جد محبين للاتحاد.


اتمنى من منصور البلوي ان يتعاقد مع لاعب ممتاز ويقدمه هدية لجمهور الاتحاد .. واكون انا غلطانة وانا مندسة وانا ضالمة البلوي والكل يتكلم علي ويقولو لي شوفي منصور البلوي جاب لاعب .. وانا بكتب 100 موضوع في المنتدى مدح للبلوي !! لكن ماراح يجيب بس راح يتكلم في الاعلام ويوعد ومايصير اي شي من وعده. كالعاده.

والي يدور اعذار ويقول البلوي مايبغى الادارة المفلسة ادارة جمجوم عشان كذا مايدعمها !! هههههه جمجوم بيجلس شهر او شهرين بالكثير ويروح , واللاعب بيلعب في الاتحاد ماراح يلعب مع جمجوم . كفاية تطبيل للشخصيات ! وتدورون عذر اقبح من ذنب !

عموما ذهب الرمز الاتحادي الكبير الذي يدعم بالملايين ويحضر لاعبين عالميين وهو بالخفاء يدعم وبدون الهياط الاعلامي ومايوعد ويتكلم ويخلف وهو الشيخ عبد المحسن آل الشيخ . وايضا خالد بن محفوظ رحمه الله .