بسم الله الرحمن الرحيم
اللهم صل على محمد وعلى اله وصحبه وسلم
اخواتي واخواني اتمنى لكم الدعاء لي لعلى وعسى أن تستجاب دعوة أحد فيكم يارب وان شاء الله تجاب دعوتكم ودعواتنا يارب
إليكم قصتي واتمنى منكم جميعا قرائتها بالكامل للاهمية

نحن عائلة محافظة وتربينا تربية حسنة ولله الحمد
تزوجت وكانت بداية زواجي جميلة لمدة شهر واحد وتم اكتشاف زوجي بمكالمته مع البنات من غير علمه اني اعلم
فدمعت عيناي ولكن تقبلت الامر لعلى وعسى الله يهديه .. حملت ثم بدء زوجي يعاملني معاملة سيئة ثم انجبت ابنة اسمها سارة ثم عاملني بسوء اكثر من اهانة والذل ولسانه الجارح ولكن تحملت كرمال بنتي و لعلا عسى الله يهديه ثم انجبت بنتان واصبح عندي ثلاث بنات ثم ازدات الحالة سوء ( حرمني من جميع حقوقي الشرعية حتى بالفراش ليش لانه معاه ضعف جنسي من قبل مايتزوجني وماكان يمشي حاله الا بلحبوب رغم هيك سكتت ئلت في نفسي مسكين مو بئيده مريض ماحاسبته وريته انو عادي مشان مايحس بقلة رجوليته ) فوق هيك سكتت وتحملت بعدين. اهانني امام اصدقائي وامام اهله قلل من قيمتي كثيرا وراهم مالي اهمية ابدا بحياتو مع العلم ماشاف مني الا كل الاحترام عشت حياتي كلها عم يجرحني بكلامو متل السهم القاتل وانا ساكتي وصار يحكي بالجوال مع البنات ويضحك معهم امامي من غير مايحترم وجودي سكتت .. بالاخر طلبت منه يرحمني كان كلامه( انا هيك مارح اتغير عجبك اهلا وسهلا ماعجبك روحي لعند اهلك .. سكتت وطبعا اهلي ماكان يعرفو شو صار بحياتي تحملت كرمالي بناتي وكرمال ابي المريض ..عشت سبعة سنين وحياتي كانت مليئا من قهر واوجاع والام والدموع والذل والاهانة والضرب وسكوت دعيت كتير ..ثم قال بدو يتزوج علي قلتلو ماعندي مشكلي ..الاقيه تزوج قريبتي يلي بيكون ابوها خال ابي عيلته بسوريا وخالي بالسعودية جبته لعندي واهتميت فيه سنتين بالاخر عطى بنتو لزوجي غدرو فيني احترق ئلبي كتير ئلتله ليه ياخالي غدرت فيني كان جوابه تجيكي ضرة قريبي احسن من ضرة غريبة كلامو متل السهم دخل على ئلبي رغم هيك صبرت وتحملت والحرئة بئلبي كرمال بناتي دعيت ربي كتير يرحم حالي .. بعدا الفاجعة الكبرى لقيته عم يخوني اكتشفت خيانته ئلتلو ارحم حالي لاتخليني اطول لساني عليك ليش ئلت هيك ضربني ضرب صبغ جسمي كلو امام البنات لانو ماتعود اطول لساني هون مائدرت اتحمل طلبت الطلاق ورحت لعندي بناتي كانو معي لما نزلت من السيارة بناتي كانو يمسكوني ويقولولي ماما لاتروحي ابوهم مسكهم ودخلهم وهما ماسكين عبائتي افترئنا مثل انتزاع الروح عن الجسد
وتطلقنا واخذ البنات ..
بعد مرور ثلاث سنين اجوني كتيرين عرسان متزوجين رفضتهم كلهم وحتى يلي مرته بسوريا رفضتهم لانو مابدي احرق ئلب المراة ثم تزوجت من رجل مطلق مهندس عوضني عن حياتي الاولى وضلينا ثلاث شهور من احلى مايكون هوي بيحبني كتير
بعدا صارحني انه متزوج ماهو مطلق كزب علي بكيت بس رغم هيك سكتت لانو كان طيب معي خبر مرتو طبعا كان عيلتو بسوريا لما عرفت بالخبر جات عالسعودية وهوي عنده بنتين زوجته هددته وخيرته بيني وبينها وقالتله رحم تحرم زوجي من شوفة بناته طبعا مرته شخصيتها قوية كتير وزوجي يعملها حساب .. بعدا اختار زوجته ئلي مابئدر اخسر عيلتي كرمالك
بكيت كتير ئلتلو حرام عليك مين بدو ياخود وحدة مطلقة مرتين انتو ضيعتو مستئبلي ماهتم ..طلعت فيني زوجته وهي مبتسمة فكرت انها انتصرت علي وانا دموعي بعيني
والان انا عندي اهلي عساس يطلقني بعد شهر هلاء صرلي ثلاث شهور ماطلق
اخواتي اتمنى الدعاء لي كثير فانا احب زوجي وهوي يحبني ادعو الله يجمعنا مع بعضنا ..وان ينصرني عليها
وان يرد كيدها بنحرها هي مفكرا هي متحكمي بمصيري
مصيري قرب ورح يتحدد بعد اسبوعين
انا بحاجة لدعائكم لي ولكل من عاش مثل قصتي
هذه قصة حياتي المختصرة وانتم الحكم
اهل طليقي سموني ( انتي صبرك مثل صبر ايوب ) لانو مافي حدا يئدر يتحمل هيك حياة وهيك الم
وارجو دعاء لاهل سوريا بالنصر