احترم عشرة العمر وعلى المكنون زيد
بالمجامل ’ عل الاصدقا يدرون اصدقا
واللقاء له طعم , وبالخوي يصبح فريد
والقلوب المريضه في قساها مايلينها بطا
والمشاوير اللي تمشيها وتدري ماتفيد
اعتبرها رسم للخوه ,, وقل كلش غلا
والوفاء له مدى , والخاطر به يحيد
(بالمثل والشعارات) ولايلقى له مدا
والخطاء يدمح والليالي من المخطي تجيد
لين ماينشاف له لوتبي مخطي , خطاء
والعرب مجالسها وقار تفيد وتستفيد
والسوالف نوب تكسر على ادنى ندا
والمحاور للنقاش محدده, والموجز مفيد
والسهر يمرض وان سلم راسك فدا
والمكاييل كيل واحد لكن تطفيفاٍ حميد
يندرج بين الميانه وبين مزح رفقا
والشعر مارد تمرد , ينقصه قلبا مريد
ينكشف وجهه لوجيها تشبه اشباه العدا
والزمن محدود, والعمر ماسرع ايامه تبيد
يتعض قلبا تعوذ بالعظيم من الخطاء
وانت وان جيت العزيز . غيب اضنك تستفيد
اما كسبت حسنات والا ماتقطع رجاء
دنيتك ستر وكرامه, والبقاء علما مجيد
السعيد اللي بعلمه لافنا منها بقاء
ودمتم,, بخير
رد مع اقتباس
