هلو بنوتات شلونكم حبايب..
طبعا انا استفدت كثير من كلامكم عن الاطباء في المنتدى وبالاخص البنات الي ضايفين صورهم قبل وبعد و ع أساسه قررت اروح للطفي زاده .. لازم ينطي نسبه من الارباح للمنتدى ههههه






وبعد استفدت من تجارب البنات لان في تفاصيل ضروري واحد يعرفها قبل العملية لهذا سجلت بالمنتدى ردا للجميل وان شاء الله موضوعي يفيدكم


مااحب ادوخكم بتفاصيل السفره بس الي تحب تستفسر عن تفصيل معين من عيوووني .. ولا رح امدح ولا اذم اكتبلكم الواقع مثل ماهو وشلون فكرت



اول شغله تفاجأت انو الصور الي يخلوها البنات لبعد عمليه لطفي احلى بكثير عن الصور في الويب سايت الخاص بالدكتور, وسألته عن هالموضوع طبعا وكال : مااعرض احسن الي عندي حتى الي تجي تكون موافقة بالنتيجه الطبيعية الي شافتها عالموقع وتتفاجأ بالاحسن ,, لووووتي هههههه



بعد مادخلت ع موقع كثير من الاطباء الايرانييين لانهم الاكثر خبره بهالمجال

عجبني هالدكتور باختلافه عن باقي الاطباء بكلامه عن الهندسة وتناسق النسب وانو يفكر بطريقه مختلفه لكل حاله , اضافه لكونه اختصاص انف واذن وحنجره ولاحظت انو شغله خالي من العيوب مثل اختلاف حجم الفتحات او يقعر العظم زياده عن اللازم ,, يعني لان لكل دكتور ستاندر (قالب) متعود عليه وانا شفت قالبه واقتنعت



التفاصيل : اول شغله بعثتله صور خشمي ع الايميل وحددت معاه موعد بالوقت الي ناويه اروح بي لمشهد ,, وبعدين من تأخر علي الرد بالايميل اتصلت بيه وجان كلللش لطيف ومرحاب وسالني عن اسمي حتى يجيك الأيميل ,, وووراها كام بسرررعه يرد ع كل ايميلاتي وينطيني تفاصيل وافيه وكافية وحتى موعد سفراته حتى يرتبلي الوقت الي يناسبني وانا عاد كمت اتدلل هههههه , وهو يحب تأكيد الموعد قبل ايام لان يحدد موعد عمليه مباشره .. وطبعا يتكلم انكليزي رغم يعرف يحجي عربي لان زوجته عراقيه هههههه بس مايحجي عربي الا عند الضروره

وهذا رقمه : 00989151164079
و ايميله : [email protected]





مااستخدمت مترجم لان في كثيرين بس احسهم نصابين وبس حايرين بعمولتهم






زرت الدكتور من وصلت لمشهد موجود بالعياده لحد ساعه 11:30 بالليل ودخلوني مباشره ..

السعر الاجمالي 4500 دولار لان يعتبرنا مرضى اجانب تقريبا 3 اضعاف السعر الي يسوي بي للايرانيين ..

.يشمل التحاليل و الأشعه والصور وتكاليف المستشفى والزيارات بالعياده (لان تراجعوا تقريبا 4 مرات خلال 10 ايام ) .. وطبعا التحاليل والاشعة يكملوها باسرع وقت لان الدكتور يكتبلهم ملاحظه بهالشي





عنوان العيادة : إيران / مشهد/ شارع احمد اباد / شارع قائم

وبالايراني من كارت الدكتور : (احمد آباد / خيابان قائم / شماره 3 / طبقة دوم )



صورة الشارع الي بي العياده

[IMG]http://im38.********************************************/yAhoz.jpg[/IMG]




[IMG]http://im38.********************************************/aENE3.jpg[/IMG]






صورة البنايه الي بيها عيادته تقريبا رابع بنايه ع جهه اليسار



[IMG]http://im42.********************************************/zFmlN.jpg[/IMG]







صورة المستشفى و في نفس شارع احمد اباد, بس في شارع باستور

[IMG]http://im42.********************************************/KiviG.jpg[/IMG]




صورة الغرفة وطبعا التكييف من العصر الحجري هع
[IMG]http://im42.********************************************/mcOFW.jpg[/IMG]






استعدوووو صورة خشمي قبل العملية ,, حجمه كبير وجلده سميك وفي انحراف قوي ههههههه . حاليا كملت شهرين تقريبا



[IMG]http://im31.********************************************/pFmwY.jpg[/IMG]





خشمي بعد العملية ..

[IMG]http://im31.********************************************/G2TJ4.jpg[/IMG]




الي تحتاجو معاكم بالمستشفى : مرايه , مرطب شفه , ايس كريم بالحليب , ايس باك للعيون , واي شي تلتهون بي حتى يخلص الليل هع





وطبعا يسوي شغله لخطوط الضحك , انو يفصل ارتباط عضلات الخدود بالانف , حتى لايفرش الخشم ويه الضحك ,, وتكدرون تكشرون براااحتكم ورا العملية

والنتيجه عاجبتني لانو جاي متناسب مع شكل وجهي ووجناتي ,, بس بعده الغضروف بي انحراف بسيط ومقتنعه بي لان قبل العملية جان الانحراف كلللش كبير عندي لدرجه الجهه اليمنى مسدودة تماما ..



الايجابيات : ماحسيت بألم بعد العملية نهائيا والحمد لله ,
كدرت اتنفس بمجرد ماصحيت لانو بداخل الانف انبوب بلاستك مجوف
ماكو اي اثار جانبيه للتخدير لانو نوعيه زينه

مانزف خشمي كثير بعد العملية

كل الي شافوني ورا العملية كالو وااااااااااااااااو J





السلبيات : صار عندي نزيف داخلي بالعين اليمنى (جهه الانحراف) استمر 40 يوم ورا العمليه تقريبا , صورته



[IMG]http://im42.********************************************/D52Il.jpg[/IMG]
والورم حول عيوني راح ,, لكن الأزرق لحد الان موجود (مثل هالات سوداء)

وطبعا هالشيء يختلف من شخص لثاني

· لثتي الفوق بقت تقريبا 10 ايام خدرانة

· جهه خشمي اليمنه لازالت خدرانه (يعني احسها تحكني بس مااحس بروحي من احكها)



الايجابي بالدكتور انو محترف ويركز ع تصحيح مشاكل الانف والتنفس اضافة للشكل ,, و متواضع ويطول خلق حتى اخذنا لحد باب بيته بسيارته لان كان ناسي الاشعه هناك وكنت اريد اجيبها معي علمود اقارن قبل وبعد ,,



السلبي بي مو دقيق كلش بالمواعيد.. وايده ثقيله برفع الخيووط اهئئئ وينسى شنو الي قال الك لكثره مراجعاته وخبصته بحيث مايقول شنو لازم تسوين بكل مره تزوري للعياده , فلازم دائما تكونون ع اتصال بي قبل زيارته وتشرحوله التفاصيل



وطبعا كنت محتارة بين لطفي وبهزاد وراسلت الاثنين , لكن بهزاد فقط تجميلي وماعجبني الرفعه القويه الي يرفع بيها الخشم بدون دراسه شكل الوجه ,, ومو كلش دقيق شغله حسب الي شفته بموقعه من ناحية شكل الفتحات وتعديل الانحراف. اضافه الى رده بالميل جان مختصر ماحسيته مهتم , ياخواتي اهم شيء الراحه النفسية هههههههه واحساسكم بالطبيب



دوووختكم وكثرت بالكلام بس حابه افيدكم يجوز تجربتي تخدمكم حتى لو بشي بسيط ,, لان اتذكر حالي قبل العمليه صار عندي هاجس لازم اسويها لااكدر انام ولا ادرس ولا امارس حياتي الطبيعية يا أنا ياخشمي هههههه ,,