السلام عليكم ورحمة الله وبركاته
نعود بعد غيبه عن بيتنا الثاني غرابيل ولكم الجديد
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله انك تنصر اللي على الاسلام سور= ممن ابيوت الحرم للكبار وللصغار
ابومتعب كل ماقامة الدنيا تجور = في ذراه اوهيبة الامن وامان الديار
ويالله اني طالبك منك تيسير الامور = في مواجيبِ مانيب التمس منها اعتذار
المواقف تجبر الرجل والشاعر شعور = اوقفتي للشيوخ ربعي اولطوال العمار
ياهل الغلبا إحزامي مقدمة النذور = عند صكات الزوابع الياكبر المثار
أفتخر في لابتي فالغياب وفالحضور = إسمنا يطوابه الليل ويشق النهار
كل شجرة طيب تلقى الاساس إمن الجذور = ماضي التاريخ يؤخذ بعين الاعتبار
والله اني لامنافق ولا شهاد زور = شاعرِ يرسم حقايق اليازاح الستار
يوم ثلثين الجزيره بهاك الوقت بور = مع معزي نردف الجيش مع قحص المهار
حافضينِ نصرت الحق في بيض الصدور = مؤمنين أوصفنا أشد من صف الجدار
هكذا الايام والوقت والدنيا تدور = ودام منا فرد يبقى على نفس المسار
يالحرار اللي تنومس من اوكار الصقور = مايوهل من مجاني الحرار الى الحرار
وياوسيعين البنايد طويلين الشبور = في سبيل الله للنصر وإسم الله شعار
ماتموت اسماء المشاهير حتى فالقبور = نهجنا نهج النبي ماعلى نهجه اغبار
وقفة السبعان تجبر بها كل الكسور = بأمر ربي صفهم مايجي فيه انكسار
والعيون اللي تدور على الهفوات عور = من خلقنا نلبس العز مع تاج الوقار
ومن خلقنا ف اول القوم وإخطانا إجسور = ومن كرمنا ملتفتنا على الناس إحتقار
والثنى للي رفع راية العبد الشكور = حلل ادروب الشهاده وحرم الانتحار
والشكر والصبر يجزابها العبد الصبور = والبشر لو طالة اعمارها حتماً قصار
والعرب تعرف عيال البطون إمن الظهور = إمة الاسلام تشكي من انواع الدمار
واليدين الفاعله خلفها الراس إمخبور = قامة الاعدى تلاعب بهم لعب القمار
وإنشقاق المسلمين اكبر أنواع الدبور = والفساد يزود والحق في وضع احتضار
والختام إبليل الافراح والقلب إمغمور = وقفتي قدام ربعي بها العز اوقار
[/poem]
وسلامتكم