مررررحبا بنوتات

من زمان كنت ناويه انزل موضوع عن عمليتي بس مستخيبه :p

تعرفون توي عروس وكنت اجهز لعرسي :D

اليوم قررت اكتب لكم قصتي كامله :eh_s(22): وكيف اني تعبت على ما وصلت للي ابيه

بالبدايه حبيت اقول لكم اني مو من تبع مؤيدي العمليات ولا بعمري فكرت ادخل عمليه الحمدلله ما كنت محتاجه خشمي مرسوم رسم و العين ما ترحم كلمن شافه ما صلى ع النبي

لين ما صار لي حادث و انكسر خشمي :eh_s(2): انكسر اكثر من 3 كسور :eh_s(16):

اسوا يوم بحياتي حلم اكره اتذكر هذاك اليوم ... المهم اسعفوني الاسعاف لاقرب مسشفى بالخبر اللي اهو كان اسطون

و اشعه وحاله ورضوض ... دخلوني ع دكتوره الانف وقالت لي محتاجه زي التقويم لخشمك عشان ما يتشوه وبعد 10 ايام يرجع زي قبل

نفسيتها كانت خايسه وماحبيتها اليوم اللي بعده رحت المغربي ودخلت ع استشاري قالي لا ما تحتاجي شي وبعطيك ادويه ضد الانتفاخ عشان يروح الورم

ومرت الايام و الشهور انتظره يروح كل يوم اقول بيرجع زي قبل كل يوم احلم واقول انا بحلم وخشمي ماصار له شي و المسه و اجلس ابكككي ااااه بس على ذيك ايام الله لايردها

وضليت سنتين ع هالحال ادور من دكتور لدكتور و مثل ما تعرفون الدكاتره عندنا بالسعوديه مجزره يا تصيب يا تخيب و انا خصوصا وضعي شاذ لان خشمي مو خشم متساوي كل جهه شكل فيه اكثر من 3 كسوووور حالته حاااله بالعربي

و بعد البحث قررت احجز عند دكتور بالرياض عنده عيادات بالرياض اسمه جمال جمعه و جا يوم حجزي و رحت الرياض انا وخواتي

وربي وربي وربي ثلاثتنا مارتحنا له وكل وحده بخاوتي خبت علي ولا قالت لي انها مو مرتاحه له و انا مو مرتاحه ابد بس ساكته لاني ابي افتك ابي اسويها وخلاص

طبعا اهو فعيادات فنون الطب ونظامهم كل شوي يدخلو عليك دكتور لين ما يجي الدكتور الاساسي اللي انتي حاجزه عنده

دخل على قبل جمال جمعه دكتور تجميل شكله صغير مو كبير وخوفني قالي اذا سويتيها بتصيري مشوهه لان مستحيل يتساوو الجهتين وقمت اببببكي قدام الدكاتره وحالتي حاله لين ما جابو لي جمال جمعه

طبعاً لا الاسلوب ولا الشكل يريح وماديييين درجه اولى العمليه 21 الف ليششش ؟؟؟ سلامات

انا ماهمني المبلغ ابد بس من داخل ابد ماني مرتاحه و اختي مرتين تحلم فيه على شكل كلب :eh_s(10): وحسيت انذار من ربي

بعدها غضيت النظر عن جمال جمعه ورجعت لي حالت الكأبه و الحزن و البكي وين ارو وش اسوي ما بقى دكتور ما بحثت عنه :bbbiu:
نفسيتي ما اقدر اوصفها تخيلووو بنت سنتين تنظر لحالها بالمرايا مشوهه خشمها كل جهه غير

ااااه بس بعد التفكير و التمحيص وقع الخيار على احلى و اروح و اجمل دكتور بالعالم نادر صعب و انا اكتب اسمه ابتسم واللله انسسسان بمعنى الكلمه :rerrerek:

قررت اسافر بيروت وحجزت موعد وكان بذي القعده ورحت وشعوري كان وحده تبي تفتك من التشوه اللي فيها وبس لا حماس ولا فرح اببببد

عادي جدا مافي اي مشاعر بس خوووف كيف بصير برجع مثل قبل ؟؟؟ ولا .. من جد اصعب ايامي

وصلت بيروت الفجر وكان موعدي الظهر الساعه 1 وصلنا قبل الوحده مستشفى الدكتور نادر صعب طبعاً ما يضيع لان الافتات بالشارع بكل مكان

وكان زحممممه وناس واجد جايه تضرب بتكس وحاله دخلت مكتبه وحده وربع وكان هناك مساعداته وقلت لهم الموضوع بقلب خايف بارد مافيه فرح ابد

بعد ماجا وشافني قالي لا تخافي بيصير حلووو ... فرحت حسيته بصيص امل اني ارجع مثل قبل

وطبعاً احلى شي ان عملياته لير تقنيه جديده اللي اعرفه ان بس باروبا و امريا و هو الوحيد من دكاترة العرب اللي يستخدمها و المبلغ توقعناه غالي بالنسبه انه ليزر بس تخيلوووو انه طلع ارخص من اللي كنت بسويها عنده بالسعوديه 20 الف ريال سعودي بسسس مادري كم تطلع بالدولار نسيت :p

والاستشاره مجانا نظام اوروبي و مستشفاه فندق ... راحه نفسيه صراحه و الدكتور اخلاق اخلاق اخلاق اخلاق اخلاق و كل اللي قال مغروررر اسمحولي الرجال مافيه شي من الغروررر بالعكس تماماً

ريحني و قالي لا تخافي وقال لامي لا خافي وحددت موعد العمليه اليوم الثاني 8 الصبح ودفعت لهم مقدم بصيط جداً نسيت كم الصراحه و البنج موضعي مع منوم ما في تحاليل البنج حسب كلامه اجدد نوع في انواع التخدير جايبه من امريكا

حالي ذيك الليله ما يعلم فيها الا الله :eh_s(2): بعد معاناه سنتين وشوي اخيراً برجع مثل باقي البنات اشوف حالي بالمنظره وبدون ما ابكي احط ميك اب و اقص و استشور مثل الناس بدون ما اكره شكلي

ااااه بسس ذيك الليله كانت اخر ليله انام فيها بخشمي المشوه حلم اني اتخلص منه مو مصدقه وجا الصبح وقلبي يطق يطق يطق ههههههه
وصلت المستشفى ودوني غرفتي صراحه الغرفه :eh_s(15): حتى الحمام و انتو بكرامه جاكوزي هههههه

احلى سووويت صراحه يجنن وكبير هذا بعد و انا مو طالبه ال VIP ،،، المهم لبست البس حق العمليه وحطولي المغذي وشربوني حبه وحطولي شي مع المغذي ما عرفته بس جاب لي اكتئاب هههه حسيت ودي اشيله و ارجع بيتنا :D
جا وقت العمليه وقلبي يطق يطق يطق ااااه يا قلبي ههههه
طبعاً ماعندهم مثل نظامنا سرير لالالا كنب يوديك غرفة العمليات :p هذا كله عشان ما تحسي انك بمستشفى عشان تحسي انك بفندق

اول ما جلست عليه حطت لي ابره فالمغذي بعدها ودعت الدنيا وماصحيت الا والثلج فوق وجهي
واول ما صحيت حسيت اني ابي استفرغ و على طول الحمام واستفرغت دددم واجد بعدها ارتحت شوي و رجعت الفندق و هم استفرغت ددم

ضليت اسبوع باللبنان عشان الجبيره ،،، الجبيره حقته غير العالم المنيوم مافيها من تحت بس قطعة المنيوم يلزقها بخشمك م عانهم يقولو هذي اخف من العاديه بكثير و انا سحيتها متعبه تخيلووو اسبوع كامل فيني و غير اني ممنوع اتعرض لشمس

و بعد اسبوع جا اليوم المنتظر من سنتين وشوي :eh_s(22): كان الصبح موعدي فكو لي الجبيره و نظفو لي خشمي و قالت لي شوفيه انا بس اول ما فكوه جلست اتلمس الجنبين متساويين او لا بعدها قلت الحمدو الشكر لك يا رب

كان واااجد منفوخ الصراحه ما قدرت اشوفه عدل و حطولي لصقات وعطوني مجموعه منهم وقالو لي تحطنهم لمده اسبوعين ومنظفات وحاله بعدها رجعت لسعوديه :D

و الصقات ظليت اسبوع استخدمهم مليت صراحه و اللحين صار لي 9 شهور تقريباً الحمدلله خشمي يجنننننن
ماكان عندي امل اوصل هالمستوا وصراحه كل شهر كان يحلى و يتغير و يصغر ويحلى

الحمدلله وهذا انا ولله الحمد رجع خشمي احسن من اول

طولت واجد عارفه بس حبيت افضفض :p

بنات لا تروحون اي مكان انا صحيح الدكتور لما رحت له ما كنت شايفه شغل احد عليه غير الفنانات بس لكن الفنانات ات،قع يكفي لاثبات شطارته من كذا تشجعت وماكان فبالي غيره اعتبرها مجازفه صراحه

ايران استبعدتها تماماً نظراً لوصاخه مستشفياتهم وماعرف للحجوزات ولغتهم وكدا يعني بوهق حالي و نظافة المكان فوق كل شي الصراحه

و بسسس اللي عندها اي سوال تتفضل واسفه اذا في فكلامي شي غلط لاني اكتب و انا مستعجله :eh_s(7)::eh_s(7):