شلونكم كويتيات:eh_s(7)::eh_s(17)::eh_s(17)::eh_s(1 7)::eh_ s(17):
اليوم يايبتلكم طبق مصري بس من صتع أيادي كويتيه :p و ببهارات كويتيه
انشالله يعجبكم
*******************************************
1-مقادير شوربة اللحم
كيلو لحم
بصلة كبيرة
فصين ثوم
حبة طماط كبيرة
بهارات عدله (حسب الرغبة)
بهارات مطحونه: كمون، فلفل أسود ، ملح، كزبرة
************************************************** *
2- مقادير مرقة السبانخ:
كيس سبانخ مثلج
بصلتين كبار
4 فصوص ثوم
فلفل حار
5 حبات طماط
1/2 علبة معجون طماط
ملعقة رز
مكعب ماجي
1/2 ملعقة سكر
بهارات
************************************************** ***********************
الطريقة:
1- نفوح اللحم مع البهارات العدلة حسب الرغبه ( هيل، دارسين، ورق غار، فلفل أسود، كمون، قرنفل مسمار) و نحط معاه بصلة، الثوم، حبة طماط أو حبتين حسب حجمهم ، و نحط ملح و فلفل أسود و كمون و كزبرة مطحونين هم الكمية حسب الرغبه
2- لما اللحم يستوي نخليه على جنب و نسوي المرقة
3- نقطع خمس حبات طماط و نخلطهم بالخلاط و نخليهم على جنب
4- نحمس بصلتين مفرومتين مع الثوم المفروم بالزيت لما يصير لونهم أشقر، بعدين نحط معاهم معجون الطماط و نحمسه و بعدين نصب عليهم عصير الطماط الي خلطناه بالخلاط
5- نحط عليهم مكعب ماجي و شوية سكر عشان يعادل حموضة الطماط
6- نغطي عليها و نخليها تطبخ ربع ساعه لما تتسبك
7- بعدين نصب عليها شوربة اللحم بس مو وايد عشان ما تصير ماي مايوه
8- نحط السبانخ و نقلبها بالمرق
9- نحط شوية ملح و فلفل و كمون ، و نضيف قفشة عيش عليهم ( هذي الطريقة المصرية)
10-نخليها نص ساعه تقريبا بعدين نحط فيها اللحم و نسكر عليه و نخليه يطبخ مع المرق
11- و آخر شي نصب المرقه مع اللحم بصينية و نحطهم بالفرن و نخليها تتحمر من فوق
و بالهنا و الشفا :eh_s(15)::eh_s(15)::eh_s(15)::eh_s(15):