طريقتي المعتمده في الشيش طاووق
والحمدلله في اي عزومه او حفلة شوي بتطلب وكل اللي يدوقه ياخد طريقته



http://adf.ly/K3mQl

نبدأ بسم الله

فرخه مخليه
او اربع اوراك مخليين (بافضل الاوراك في الشوي)
نشيل الجلد ونقطعها مكعبات كبيره مش صغيره علشان مش تنشف
الربع على 3-4 قطع

التتبيله

في كوباية الخلاط نضرب
بصله صغيره
4-5 فصوص ثوم
نص معلقه صغيره جنزبيل
ربع معلقه كركم
معلقه كبيره ملح
نص فلفله خضرا بارده او معلقتين صلصة فلفل احمر بارد
كوباية صغيره لبن رايب او زبادي (بتطريها)
نص كوباية ميه
معلقتين ثلاثه زيت زيتون
لو بتحبوه حامي ممكن اضافة شطه او نقطتين هوت صوص

نضربهم مع بعض في الخلاط
ونصفيهم كويس علشان مش يتحرقوا مع الشوي

نحجز من التتبيله ربع كوبايه علشان ندهن بها اثناء الشوي

ننقع الفراخ في التتبيله مده لا تقل عن ساعتين ثلاثه والافضل قبلها بيوم

نرصهم في اسياخ خشب منقوعين قبلها في ميه مغليه
بالتبادل مع قطع بصل وطماطم وفلفل اخضر
نضع الشوايه على البوتاجاز لحد لما تسخن وندهنها بالزيت
ولما تسخن قوي نرص اسياخ الشيش طاووق
ونقلبها باستمرار وندهن بين فتره والتانيه بالتتبيله اللي حجزناها

بتاخد على الشوايه ساعه الاربع تقريبا وممكن اقل
وياسلااام لما تتشوي على الفحم .. خطييييره
=========

وتتقدم مع
ثوميه
ودي اكثر طريقه جربتها وقريبه من اللي بتتقدم في المطاعمفصين الى ثلاث فصوص ثوم
4 معالق طعام زيت ذره
3 نقاط عصير ليمون (عصرة ليمون)
نص معلقه ملح
3 معالق طعام نشا (كورن فلاور)
ثلاث ارباع كوب ماء

يذاب النشا في الماء ويوضع على نار خفيفه ويغلي 3 دقايق فقط
لحدل لما يتماسك شويه زي المهلبيه وهيصبح لونه شفاف ارفعيه من على النار
واتركيه يبرد

يدق الثوم مع الملح وبعدين نضعه في كوباية الخلاط مع عصير الليمون والنشا المطبوخ ونخفقه واثناء الخفق نضيف الزيت لحد لما تحصلي
على الثوميه ولونها بيتحول لابيض ناصع وقوامها كريمي

اهم تكه ان النشا يبرد تماما قبل استخدامه .. لان واحده صاحبتي عملته وما بردتش النشا وللاسف طلع غامق وطعمه اتغير لان الثوم اطبخ من حرارة النشا

المقادير دي بتعمل برطمان صغير ..

--------------------------------
وممكن يتقدم الشيش طاووق مع سلطة مايونيز بالكاتشب
(4 معالق مايونيز + معلقة كاتشب)
ويتعمل احلى سندوتشات بتبقى زي الجاهزه

http://adf.ly/K3mix
منقول للافادة