السلام عليكم جميعااً..


طبعا موضوعي سريع مابي اماطل ..كتبت مووضوع بعد ما اجريت عمليتي عند ماجد تقي قبل سنه و 6 او 7 شهور نقريباً...وكتبت كل تفاصيل العمليه في تجمع عمليات التجميل..

بدون مبالغه الموضوع اللي كتبته رفع نسبة البنات الكويتيات اللي يثقون بالدكتور ماجد تقي..لدرجة اني لما كنت اروح مواعيدي والله على ما اقول شهيد.. اصادف بنات يايين للدكتور على اساس موضوع في منتدى كويتيات ولماا اسألهم عن الموضوع كان نفسه الموضوع اللي انا كاتبته..

هالشي طبعاً يخليني مسؤوله امام رب العالمين في كل حرف كتبته..:eh_s(17):

اللي حصل بإختصار..

بعد سنه ونص من العمليه... طبعا كانت النتيجه جيده مو بذاك السوء..لكن لازال الانف كبير..وماكانت النتيجه اللي احلم فيها .
ظهر عندي انحرااااف خله خشمي يميل لجهة اليسار...ويوم عن يوم يوضح...بعد ايام طلع على خشمي مثل الطقه وهالاثر كان واااضح بالشمس...

هم مايهم ... لكن الشي الاكبر..بعد سنه ونص..قمت احس روحي اتنفس من صوب واحد..الصوب الثاني مايوصل الهوا مثل الصوب الاول..هممم ما اهتميت قمت استخدم قطره او بخاخ من الصيدليه..
طوووول الوقت احس روحي منشوله واي شي يخنقني..

فجأه قمت احس بدوووووخه و خمول ومالي خلق اقوم من فراشي و صداااااااع و 24 ساعه هبوط بضغطي و كل يوم درب درب درب تقضضت من الدرب..سوولي فحص شامل لدرجة انهم ودوني عيادة السمع والنطق وتخطيط للقلب ..ومحد عارف شسالفه..

لما سويت بحث بالنت.. اكتشفت ان اللي يكون عندها انحراف بأنفها يأثر على مجرى التنفس..واذا تمت الحاله فتره طويله تأثر على الاذن الوسطى..وبالضبط هذا اللي حسيت فيه ..الم بأذوووووني ماحب اسمع شي اقعد بدااااااري و احس بقمته..وهذا االضغط والألم بالاذن مع اكسجين قليل..راح يسبب بالتالي هبوووووط بالضغط ..اللي يسبب بالتالي خموووووووول
يعني الموضوع مو هين حتى سياره كنت ادووخ ماقدر اسووقها

رحت للدكتور خالد الصبيح..للأمانه على اساس تجميلي..علشان يعدل لي الانحراف ويلم لي خشمي لانه مشهور برسم الانف ويصغره..وهذا اكثر دكتور اقدر اتكل عليه بالكويت..

بصراحه واااااااااااااااااااااااا اااااااااااااااااايد مغرور وشايف روحه..شاف خشمي ماتكلم ماقالي شي..بس عدل عليه بالفوتوشوب وقالي شنو بيسوي بالضبط طبعا من ناحية تجميليه ..وعطوني موعد للعمليه..لما عرفت السعر قالولي 2200 انصدمت ! مبلغ وايد كبير..

قالتلي اللي عند الاستقبال مدام اهو طلب هالسعر اكيد في مشكله بتنفسج بس الاكيد انه ماقالج عنها !

قلت يمكن اهو مايبي يحش بالدكتور ماجد..ولا يبي يخرعني ..لان وايد سألني اي دكتور امسويها لج!

تحددت العمليه طبعا كان مافي مواعيد لي شهر 3 بس حاطيني احتياط لشهر 1..وفجأه دقوا علي قالولي جاهزه ليوم 17 !!! في وحده سحبت ماتبي تسوي..قلت اوكي

والحمدلله صارلي 9 ايام من سويت العمليه...

الصدمه الاكبر... لما رحتله بالموعد بعد اسبوع بعد العمليه علشان يشيل الجبيره والغرز قالي الصدمه...

خشمج فيه تليفاااااات من العمليه السابقه و ملعوب فيه لعب بالغضاريف و ماقالي تفاصيل بس الزبده الدكتور ماجد لاعب بحسبة خشمي و تنفسي لعب..


ونفس الشي في وحده اعرفها قاعده تعاني الحين من تنفسها و الم مو طبيعي بخشمها بعد سنتين من العمليه !..والمشكله مو اي فحص يبينلج المشكله..


طبعا الدكتور ماجد انا وايداحترمه وحبيت التعامل معاه لي اخر لحظه وانا اقول ان ماجد ماقصر بس الصراحه انصدمت من اللي سواه بخشمي.. انا الله قدرني و قدرت اوفر مبلغ العمليه بس البنت اللي حطت كل اللي عندها علشان عمليه وحده ! شنو تقدر تسوي !!!


اترك لكم حرية المناقشه..

وارجع و اقول الموضوع هذا للي تنوي تسوي بحث عن الدكتور ماجد علشان تلقاه وتقراه قبل فوات الاوان و الله على كل كلمه كتبتها في هذا الموضوع شهيد و لا لي مصلحه من الموضوع لا من قريب و لا من بعيد ..ولازلت احترم الدكتور ماجد ..


تحياتي لكم