نتفارق ؟
اذا هذا يّريح خاطرك قولي !
اذا هذا يجلب لك فرح قولي !
اذا هذا بينهي كل مشاكل بيننا قولي !
تبي تروحين ؟
نتفارق ؟
شسوي بعدك بـ قلبي ؟!
ووين القى دفا لـ بارد مساحاتي ؟
ووين القى ضيا لـ اسود صباحاتي !
قبل امشي
عطيني امتعة حزني !
بكاي اللي يجي دايم على غيابك !
عصافيري وهي ترفرف على بابك !
قصيدي اللي كتبته فيك ..
وتكحل دوم بأهدابك !
عطيني كل مسج " وينك "
" وحشتيني "
" فقدتك ما فقدتيني "
سهر ليلي وانا انطر .. صوتك الدافي !
حزن قلبي وانا غافي
ملامح وجهي المتعب !
وشلل مخبون بأطرافي !
ونكهة قهوتي المره
وكوب الشاي
عبث ايدك بـ حزن النآي !
وغنا فيــرووووز
عطيني كل لحظة عشق بها فكرت بأن انتي
تحبيني !
كثير اكثر من الدنيا ..
وحزن الصيف !
مواويلي الى مرك مرض ولا شعرتي بضيق !
فراشاتي
وكل لحظه بها منك شعرت بـ برد !
عطيني كل امتعتي ..
وقبل لـ أ مشي
وتراي اكذب اذا انك لمحتي شي في رمشي!
م.ق
رد مع اقتباس
