السلام عليكم ورحمة الله وبركاته

شخباركم كويتيات ان شاء الله اموركم بخير

سويت ورق عنب طبعا الكل يعرف يسويه بس كل وحده لها طريقتها الخاصة فيه وحبيت اشارككم بطريقتي

نشوف الصورة الاول ^^





وهذي الطريقة بالتفصيل



المقادير


علبة ورق عنب


الحشوة


2 طماط متوسطة مقطعه قطع ضغيرة
2 بصل متوسطه مقطعه قطع صغيرة
ثلاث ارباع حزمة بقدونس
ربع حزمة نعناع
ربع حزمة كزبرة مع شوية شبت
2 كاس رز مصري منقوع مسبقا
ملح وبهارات وطبعا البهارات اللي استخدمتها ( ملعقة صغيرة لكل من بهارات مشكلة وفلفل ابيض مع شوية كمون وبابريكا وفلفل اسود وكاري )
كاس عصير ليمون + كاس زيت زيتون ( رح نضيف نصف مقاديرهم للحشوة والباقي بنضيفة لورق العنب عقب مانخلص لفه ووضعه بالجدر )
مكعب ماجي + صلصة طماط


الطريقة


1- نحضر الحشوة بتقطيع الطماط والبصل والحشائش اللي ذكرناها بالمقادير ونحطها في زبديه وفوقها الرز نخلطهم مع بعض ونضيف الملح والبهارات ونصف كاس عصير الليمون ونصف كاس زيت الزيتون


2- نغسل ورق العنب جيدا ونحشه ونلفه بشكل مرتب


3- نحضر جدر نفرش القاع بحلقات بطاط وطماط ونحط ورق العنب فوقها ونضيف عليه النصف المتبقي من عصير الليمون وزيت الزيتون


4- ناخذ كوب ماء نضيف له ملعقة صلصة طماط ومكعب ماجي نذوبهم فيه ونضيفهم ع ورق العنب


4- نكتم الجدر بصحن ثقيل عشان نمنع تفكك ورق العنب مع غلي الماء نفح النار وننتظر الماء يغلي عقبها نوطيها ع الاخر لمدة ساعة وربع ونقفلها بكون استوى

وبالعافيه اتمنى الموضوع عجبكم :eh_s(17):