السلام عليكم ورحمة الله وبركاته

صباحكم / مساكم سعادة وراحة بال

شخباركم ,,,

اليوم عازمتكم على صينية خضار بالدجاج ومغطاة بالقشطة والجبن

المقادير

تقدروها حسب رغبتكم انا استخدمت

2 بطاطس متوسطة الحجم مقطعه مكعبات
1 باذنجان كبيرة مقطعه مكعبات
3 كوسا مقطعه مكعبات
2 جزر مقطعه مكعبات

الحشوة

صدر دجاج منزع الجلد مقطع مكعبات صغيرة
بصله - فلفل رومي - طماط مقطع قطع صغيرة
ملح وبهارات منوعه

التغطية

2 علبة قشطة + 5 ملاعق جبن سائل + ملعقه كبيرة مايونيز

الطريقة

1- نجهز الحشوة نحضر جدر ونحط فيه شوية زيت لتشويح البصل لغاية مايشقر لونه ونضيف الفلفل الرومي وبعدين قطع الدجاج نقلبهم مع بعض وبعدين الطماط والبهارات وننتظر الدجاج لغاية مايستوي ونقفل النار

2- نقلي الخضار ونحطها بصحن نضيف عليها شوية ملح مع فلفل اسود

3- نحضر الصينية ونضيف نصف كمية الخضار المقليه فيها وفوقهم شوية من الخليط وبعدين حشوة الدجاج وفوقها كمية من الخليط وبعدين نضيف النص المتبقي من الخضار بالاعلى ونغطيها بما تبقى من الخليط

4- ندخلها الفرن تتحمر من الاعلى وهذا شكلها النهائي



وهالطبق للحلوة اللي بترد بالاول ^^



عوافي :eh_s(7):