ياللي علينا تشكي الهم ، وتهيم = في وادي هموم الزمان العظيمه
إضحك لو انك تونس الغبن والظيم = كم فالحياه من انفس ٍ مستظيمه
الوقت يمضي وانت مع همك مقيم = مستسلم ٍ مامعك صبر وعزيمه
الرازق الله والعطايا مقاسيم = ولا تقتنع غير العقول الحكيمه
الضحك برق وخافي همومنا غيم = وكم ضحكة ٍ شالت عن القلب غيمه
ومن يشتكي جور السنين المعاتيم = يلقى الامل طب النفوس السقيمه
لولا الأمل بقلوب ناس ٍمظاليم= ماتوا قهر من حر نار الظليمه
ولولا الأمل مابيع شي ٍ ولا سيم = ولولا الأمل ماكان للعمر قيمه
جوّد أملك ، وحطّم الياس تحطيم = واحسن عملك ، وسد باب الهزيمه
ولله ربك سلم الامر تسليم=تسلم وتحيا في حياة سليمه
وسلامتكمhgqp; fvr ,ohtd il,lkh ydl>>>>>llh vhr gd auvh