السلاام عليكم
بصراحه انا موضوعي هذا كتبته لاني هالفتره مهتمه بسالفة الرموش رموشي رااااحوا من الماسكارا كل يووم
الله يسلمكم انا من النوع اللي احب ادور و اسأل عن اي شي و اتأكد منه قبل لا اجربه تدرون ساعات نجرب شي ماندري شالطبخه و تطلع فينا علل ثانيه و نراكض نعالج و نسوي لوويه ما تسوى علينا ههههه اسمالله علينا انشالله مايحوشنا شي

في منتج بصراحه انا مادري اذا التاجره نفسها موجوده بالمنتدى هني ولا لأ
ماعفها و لا حتى تعاملت معاها
الله يسلمكم سمعت البنات يتكلمون عن المنتج اللي تبيعه تقووووووول انها تطلبه من عيادات متخصصه من امريكا و الاصلي يكون
انا قلت لازم ابحث عنه بالنت طبعا اكييد له اضرار
انا بالبدايه عجبني و اقتنعت فيه


العلبه الوحده تكفي شهر مثل قطره صغيره علبته و معاه ثلاثين فرش يستخدم يوميا
كل يوم فرشه تحطين فيها قطره و تمسحين فوق الرموش عالجفن منبت الرموش و يقوولوون يبين الفرق خلال اسبوعين

امانه ما شوقتكم ههههه

بس اضراره يسمر او يحمر الجفن فوق العين و طبعا قلت حق رفيجتي عنه
قالت لي غبيه و عصبت علي
بنت خالتها حاشة عينهاشووي من القطره و التهبت و تمت تعالج و لوويه صارت مسكينه ما سوت عليها حتى الدكتور قال انتوا كل شي تسوون و تجربون ما تقتنعون الا لما يحوشكم شي ههههه ترى صاج

عموما المنتج اسمه لاتيس موجون ب امازون سعره تقريبا 15 دينار بسس
و الحلوة تقول ماكو منه هذا اصلي اطلبه من عيادات و توصله طبعا مندوب مو اهي هههه ب75 دينار
الله عالنصب انا مو قاعده اكسر سوقتها و اقطع رزقها بس شوفوا الفرق اهو اولا نوع واحد ماكو اصلي ما اصلي ثانيا دام موجود بالصيدليات بامريكا و سوبر ماركاتهم و امازون و جم سايت غيرهم ماله داعي تقول من عيادات متخصصه
بس حرام بصراحه اهي صح الوحيده اللي طالعه فيه الحين تبيعه و الله يرزقها بس فرق السعر والله حراام

حبيت بس انصحكم لا تجربون اي شي قبل لا تتأكدون منه


بصراحه اهون شي شفته ليلحين الخروع بس يفضل تخلطونه مع زيت ثاني مثل اللوز عشان يخففه لانه ثقيل
طبعا حتى الخروع له مضار مثل يرخي عضلة العين و يسبب الحول و احيانا اذا حاش العين يسبب التهابات بس كونوا حذرين حطوه من فوق مسحه خفيفه عالجفن
و احسن شي وقت النوم

طبعا انا قبل كنت امسح على رموشي بفازلين بس ما اثر فيني ههههه ناس و ناس وانا للاسف من الناس اللي ما يأثر فيني شي تلقوني استمر على الشي بس ماكو نتيجه خنشوف انشالله اكو نتيجه حلوه للرموش ويا الخروع ادعوولي هههه


واللي تعرف من وين اقدر احصل كحل الاثمد الاصلي لا تبخل معروف هذا ان ما فاد مايضر بس له فوااايد وااايد حتى قبل كانوا يحطونه عشان يعالج التهابات العين و غيرها

و ادري طوولت هذي نصيحه طويله على سالفه هههههه

قولولنا تجاربكم و الله يرزق كل وحده و يحقق لها كل اللي تتمناه :eh_s(17):