السلام عليكم ورحمة الله وبركاته

أسعد الله أوقاتكم بكل خير جميعا

من زمان وأنا أبغى أكتب هالموضوع عن هذا اللاعب .. ولكن قلت انتظر لين اخر مباراة في الموسم علشان اجذب انتباه اكبر عدد ممكن ..

اللاعب اللي اتكلم عنه هو لاعب كبير .. من أفضل صانعي اللعب في العالم .. ولكن حظه سيء انه ينتقل للاندية التي مستواها في هبوط ويحاول عمل شيء ولكن يد وحده ماتصفق .. السنة هذي راح اعارة لاتليكو مدريد وبدع معاهم وجابو بطولة الاتحاد الاوروبي .. والادمي معنوياته عال العال .. ولكن أنا متأكد لوجاه عرض يغريه راح يطلع .. ويجي الخليج

اللاعب هو Diego Ribas

زي ما احنا شايفين تحت ان قيمة عقده حسب موقع www.transfermarkt.co.u الشهير هي 10 مليون يورو ..

ايه ايه أدري بتقولون غالي وصعبه .. صدقوني لو يجي ويلعب مع الهلال موسم او موسمين ويبدع يجيه عرض مايقل عن 15 مليون من قطر واللا الامارات .. ومثال على ذلك تجربتنا مع نيفيز ورادوي
البعض بيقول مابيجي السعودية .. أقوله ممكن ما يقبل يجي .. ولكن هذا ما يمنع اننا ننحاول .. ما ندري يمكن تعجبه الفكرة

اللي اطلبه منكم تدعموني في هذا الموضوع بالمطالبه بهاللاعب اذا هو عاجبكم .. صدقوني لاعب غير طبيعي .. لاعب يصنع فارق .. لاعب عيونه والكوره معه في الملعب زي الرادار .. تحركاته مهندسه ومرسومه .. باصاته ادف منها مافيه .. شوتاته رصاصات قاتله

الكثير منككم يعرف اللاعب زين .. ولكن للي مايعرفه اقوله يشوف المقاطع هذي:

ملحوظة: المقاطع تحتوي على موسيقى

المقطع الثاني

أرجو ثم أرجو عدم الاستهزاء بالموضوع .. وأتمنى المشاركة الفعالة من المؤيدين للمطالبة به

آسف جدا على الاطالة

دمتم بخير