دخلو تشوفو تجربتي مع الحنا شحال ترددت باش ندير هاد الوصفة و خايفة منها حيتاش درت ليميش شي 3 شهور دابة و نزلو لي طلعو لي فراسي محملتهمش و فنفس الوقت بغيت شي تغيير و حالفة ماندير الصباغة حيتاش ليميش طيحو لي شعري و مافيه مايزيد يطيح
و كيف تنعرفو الحنا لجميع انواع الشعر واخة تنقىلى راها تتنشفو و لكن اكيد فيها منفعة و هادشي تاكدت منو بعد ما درتها لشعري 2 اسابيع متابعة و الحمد الله نفعاتني و الله المشطة مابقاش تيكون فيها قد داكشي اللي كان تيطيح منو المهم نقص التساقط و تنحس بيه ولا لامع
شعري من النوع الدهني من الجدور و جاف من الاطراف


نخليكم مع تجربتي و نتوما حكمو

هادا لون شعري فالاول




الوصفة اللي درت
الحنا طبعا
مغلي البابونج
قشور الرمان مطحونين
الكركديه مطحون
الدباغ
خل التفاح ( او الخل العادي)
اي زيت عندك يا زيت اللوز يازيت الخروع اتا درت الزيت البلدية
و زدت عليهم الكاكاو و القهوة العادية و الما د الباربا كان عندي سمحو ليا نسيت ماصورتهم








تتخلطي كلشي و تتخليه يخمر لمدة 3 ساعات

و من بعد وزعيها على شعرك كامل خصلة بخصلة
و ديري ليها السولوفان و خليها فشعرك تقريبا 4 او 5 د السوايع انا خليتها 6 بغيت اللون و لباس ههه



و من بعد غسليها بالما حتى يتنقى مزيان عاد ديري الشامبو انا مادرتش البلسم حالفة نداوي شعري بالطبيعي كون لقيت شي بديل للشامبوان مانديرو هههه
المهم انا غسلت شعري ى بلاصت البلسم درت بنانة مع دانون مسوس بقيت بيهم شي ربع ساعة و عاودت غسلتو

و هاهي النتيجة



هادي ثاني مرة نستعملها و ان شاء الله نداوم عليها كل اسبوع حتى نوصل للون اللي بغيت

و نتمنى حتى وحدة ماتخوف من الحنا راها علاج طبيعي للشعر ايلاكان شعرك دهني ماتحتاجيش تكثري فيها الزيت و الى كان جاف دهني شعرك مزيان عاد ديري ليه الحنا فيها الزيت حتى هي
و هاد الساعة كلشي قرب يقراع و السبب من هاد الشمبوانات ديال الويل اللي ولاو دابة جربي هادا لاهادا ينفع هادا ماينفع انا تيجيني ديكشي كلو ولى بحال بحال


شي دعيوة د الخير الله يخليكم



منقوووول .. :eh_s(7):

عجبتنيَ النتيجههً واضحً اللمعانً والحيويهً بشعرهآ بعد مآحنتههً