مسسسسساااء الخير //
لآضاق صدرك عالي الصوت جره
لو كان قلبك ما يطاوعك مسرور
دنياك لو تسوى من الحِزن ذرّه
مــا كـان تاليها توابيت وقـبـور
ومـا كـان للـكـافر بعـمره مـسره
وما شفت في ملكه ملايين وقصور
العـمر يمضي بين حـلوه ومـره
والموت حق وقابض الروح مأمور
دام الــحـياه الـفـانية مـسـتـقره
ورزقك يجيك وبين الأجواد مستور
لاتـنـشغل بالــوقت بـرده وحـره
واحذر تصير بقسمة الناس مقهور
وحكم القدر لاجاك خيره وشره
أشكر عظيم الشان والذنب مغفور
والمجلس اللي يزعجك لا تمره
خله تراك بشوفته منت مجبور
والرجل سقها في صحاصيح بره
ومد النظر مابين ريضان وزهور
لا صار وجه القاع ما فيه جره
والمشي حافي والثرى توممطور
ســاعــات صـمتٍ مـا وراها مضره
تسوى الكلام اللي به إذنوب وإشرور
أطلق خيالك وأترك النفس حره
وخل الطبيعه في حياتك لها دور
وباللــيل لا بـــانت نـجوم المــجّــره
أذكر بديع الخلق بـِ إحـساس وشعور
واسجد لـرب الكُـون مــره ومــره
وإحفظ لسانك وأترك الكذب والزور
وفــروض ربك خلــهــا مــســتمره
وطاعتك لا يدخل بها نقص وقصور