مساء صباح الخيرررر للجميع
للتواصل معكم أتمنا لكلماتي اليسير
من ودكم ورضاااكم والمعذرره على التقصير
وتراها عاجله وسريعه ويبي
لها مراجعه وتصفيه
ان ماسلمة من ساهرر
على قول أخوي الشاعر
عبدالله القبوري
هههههههه
ع (1)
(ماني وانا قــوي الشكيـمه بسلتوح )
ع (2)
( وانا محمد ماني أقصير شبوح )
الله الله
[poem=font="simplified arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بديت بسم اللي لاراد أمر له يوح =سامع دبيب النمله على صفاها
الواحد المعبود قدوس سبوح = المطلع بالبينات وخفاها
الي ليا منه فرج كربه يزوح =وبزول بامره ويتلاشا بلاها
منشي هماليل الحيا بامره تقوح =من حيث يامر فوقها لا نشاها
تمطر على سهولٍ وظلعان وسفوح=ومحدٍ يرد سيولها عن نحاها
ذكره تجلا فوق الاذكار ويفوح = وأعرى حباله ماتقطع عراها
ومن بعدها من بير الافكار باموح =دلو الهجوس اللي طويلٍ رشاها
مجري قراح الماء غميقٍ وضحضوح = واسرار كل صدور خلقه يراها
الله من صدرٍ من الوقت مجروح=من عاقبت بقعاء وزايد غثاها
دنيا علينا بالوفاء قامت تشوح= تبي تمشينا برغبت هواها
والله بها لمشي على كيف ماروح=ولا خير في من لحيته مايحماها
ماني وانا (قوي الشكيمه) بسلتوح=واليا .. جهلت غيري فنا ما غواها
ان كان لي من فزعت الله مربوح =مـن عـانه الرحمن ربي قواها
الصدر منها يصطلي به كما الفوح =وماشلت هم ألا فقرها من غناها
يامل قلبٍ كله أوجاع وجروح = ماجت له الدنيا على مابغاها
مغير ياتي باجزل الشعر ويروح =حشمة رموش بشعره اللي قراها
ماني بمتزحزح وانا رجل زحزوح= ألا لمشي الي تقصر خطاها
دايم على بالي ياخوويه ياممدوح =وأزرت معي بالوصل تاخذ حزاها
قلبي لها بابٍ ورا باب مفتوح =وماتت علي بالوصل هي من ضماها
وفرقا الحبايب أمر ماكتوب باللوح =بكتابة تصعب على من محاها
من كثر ماهواها غدى الرس درموح =وياحلووو (أحبك) لانطقتها بشفاااها
اروح مدري من حلاها وين اروح =وامشي رضا لعيونها على عماااها
وليا خطيت بحقها تقول مدموح =غلطتك ياربي تكرر عساها
الي وربي شوفها يبهج الروح= لا شفتها معاد أناظر سواها
بنت الرجال اللي لها فكري يبوح= باعذب لحون الشعر غصب بحلاها
أصل وجمال بنوره يشع بوضوح =وللناس غاااية محد يدرك رضاها
والأصل مثل الشمس بشراقه يلوح=والطيبه ما تغتبى من صفاها
لا يا حمام الراك انا مثلك أنوح =على اللذي لقت لوصلي قفاها
مفضوع ولا ماني بشعر مفضوح =يسعد لي الله بالقوافي مساها
ليه بها غايات فى الشعر وطموح=لو ماذكرت أي شي منه ماخفاها
ماسمع بها عاذل ولا طيع منصوح=والنار تحرق رجل من هو وطاها
ماعرف فيها اولف بشعري مزوح =ملبوسها ثوب الشرف من حياها
والعنق من زود الحلا حيل مملوح=من تعشقه ماهما يكن ماسلاها
لو تغلط بحقي لها قلت مسموح =من حبها من شوقها من غلاها
لو من غلا محبوبتي مت مذبوح =تذبـحنـي إذن الـحيـاة تهنـاها
الحب ماهو ياعرب ضحك وفروح =وسوالف تضحك لمن هو حكاها
يحتاج له قلبين تسكن وسط روح=وترضى بامقسوم الله اللي عطاها
ويحتاج له تفسير ودروس وشروح=ماكل من بالشعر أجاد امعناها
وانا محمد ماني أقصير شبوح= لي فكر تٍ بالشعر ماحدٍ حواها
أرقا ببوح الشعر همات وصروح =ولا على احدٍ بالقصيد أتباها
واليا هويت أحب وعشق بوضوع =وساهر انجوم السماء في فظاها
لو كان مالي في هواء البيض مصلوح = سلم العرب للضيف كرمت قراها
واليا بركت /ال/ شيل الاثقال طحطوح =أدحم جنوب القوم لين أحداها
ومن الردى لاني مريض ولا مريوح =مع مكرمين بطيب ربي لحاها
بشهادت الصادق مزكا وممنوح =وكبر شرف بالشعر لي مستواها
وختامها صلاة ربي على نوح =أول نبي لــذريت أدم دعاها
[/poem]
وسلامتكم