بسم الله الرحمن الرحيم | السلام عليكم ورحمه الله وبركاته
هذي مجموعة من السلطات والمقبلات عجبتني لميتها لكم للإستفادة
مع تمنياتي لكم قضاء وقت ممتع
* ملاحظه~ : الخبز المحمص الجاهز راح استخدمه كثير بالسلطات .. بحط لكم صورته بس فيه واحد ماصورته الي من سفن دايز ..
- سلطات السيزر
- سلطة البآذنجان الـخاقوقيه
- سلطه البآذنجان
- سلطة البيتزا
سيزر بطريقه ثآنيه ..~
المقآدير: خبز توست ..ملعقتين اوريقانو.. فصين ثوم .. ملعقه زعتر ..زبده ..صدور دجاج .. صوص رانش+ صوص فرنسي + ماونيز بالفلفل
الطريقه :
نذوب الزبده مع فصين الثوم + الزعتر والاوريقانو .. وندهن الـ الخبز ونقطعه صغار ونحمصه بالفرن ونتركه يبرد ..
نتبل صدور الدجاج بعد التقطيع بـ فلفل اسود وكمون وعصير لمون وخل وصويآ صوص من كيكومان وفص ثوم وعلبه زبادي .. تتبل مده ساعتين على الاقل ..
بعد كذا نشوحها على النار بـ زبده ونحط بالتاوه الدجاج والتتبيله معه .. ونتركه على جنب ..
الصوص :
صوص فرنسي ورانش ومتبل ثوم + ماينيز بالفلفل بس لاتكثرون مايونيز .. اخلطو لما يطلع الطعم الي ببالكم ..+ رشه اوريقانو
بعد كذا نصف الخس بالصينيه .. بعدين الدجاج .. بعدين الخبز .. واخرتها الصوص ..
سلطة البآذنجان الـخاقوقيه ..
من الذ السلطات الي احبها
المقآدير .. 2 بطاطس .. 2 باذنجان .. علبه حمص .. خس ونص ربطه كزبره وبقدونس ..
الطريقه ..
نقطع البطآطس ونخليه طوال .. ونفس الشي الباذنجان .. ونقليهم .. ونتركهم يبردون
نقطع الخس ..ونفرم الكزبره والقدونس ونتبلهم بـ عصير ليمون وخل وشوي ملح وكمون .. ونصفهم بالصينيه .. وفوقهم الحمص والباذنجان والبطآطس ..
الصوص :
صوص فرنسي + شوي مايونيز وعصير ليمون وخل
سلطه البآذنجان (2) سبايسي ~
المقآدير
: 2 باذنجان مقلي- 2 بطاطس مقلي- معجون الفلفل الاحمر بزيت الزيتون - فلفل هلابينو -خس -
الطريقه :
نقطع الخس صغار .. ونخلط معه الصوص الي هو عباره عن ..:
2 م مايونيز + فصين ثوم + 2 م طحينه + عصير ليمونه + خل + زبادي + 2 م رانش
نخلط الباذنجان بـ معجون الفلفل الاحمر ونضيفه على الخس
نضيف فوق الخس البطاطس المقلي ..
واخر شي الـ الهلابينو
سلطة البيتزا ~
هذي السلطه طعمها يشبه البيتزا .. عشان كذا سميتها سلطه البيتزا
الصوص :
رانش + ملعقتين او 3 شبت مجفف + ملعتقين زيت زيتون + عصير ليمون + شوي بقدونس مفروم +مايونيز +شوي خل
يخلط الصوص بالخس ..واتركيه على جنب .
الدجاج :
صدور دجاج مقطعه شرايح رفيعه احمسيها بـ شوي زبده وملعقتين صويآ + ملعقه صغيره معجون فلفل بزيت الزيتون+ ملعقه خل+ فلفل اسود+ كمون بعد مايستوي الدجاج اضيفي الملح ..
واضيفيه على الخس واضيفي على الدجاج الخبز المحمص الجاهز
و بآلهنآ و آلعآفيه عليكم