السلام عليكم ورحمة الله وبركاته
صباح الخير او مساء الخير ( على الجميع مراعاة فوارق التوقيت)
متوآضعه للتوآصل
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياغايبه فنجال الاشواق مشروب=ماني على تبع المقفّين ضاري
أنا بدوي يابنت ماعندي إسلوب=أمشي على درب الهوى بإختياري
ماصرت لأهل الحب والعشق مطلوب=ولاني من اللي للغرام إنتحاري
أعْشق قلوب احيان وأستأسر قلوب=لكن صعيبه طيحتي وإنكساري
مااخطيت لاجل اطلب رضى منك واتوب=وأحاول إنك تقبلين إعتذاري
وأجيك والبس لاجلك الثوب مقلوب=واتطُول لاجلك وقفتي وإنتظاري
وأجرّ لعيونك هجيني ومسحوب=وأترك لدمعي فوق خدي مواري
العام هجرك صوب والشوق من صوب=وأشوف بعيونك قرار إنتصاري
واليوم ماهو كل ممنوع مرغوب=ماعاد لك في دآخل القلب طاري
هذا القدر وافراقنا شي مكتوب=شفت القدر وشلون رد إعتباري
[/poem]