[poem=font="Simplified Arabic,6,black,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
يا صاحبي تكفى ترى صمتنا طال = الحِمْل زاد وزوّد الحِمل شَدّه
الحِمْل حِمْل اللي يحملون الاحمال = حمّالهم لا راح يشفي مردّه
عزّ الخويّ في ساعة الوقت ميّال = رَدْ العدو لا كان محدٍ يردّه
لا جيتهم كنّك تغرقهم افضال = ولا ادبرت قالو فيك شيٍ تودّه
ماهمهم بالارض تجميع الاموال = شيٍ قليلٍ يكفي النفس مدّه
ماهم بني عمٍ ولاهم بني خال = لا غاب منهم زول محدٍ يسدّه
والعكس هو بالعكس و الحال زوّال = ناسٍ تبيعك سم وسط الخوندّه
اسعد لياليهم ليا ضاق لك بال = كنّك ليا روقت تصفعه خدّه
يجمع عليك الناس حاسد وقتّال = وينشر عيوبك بين جنسه وعَدّه
يا صاحبي ضاعت مفاتيح الاقفال = راحو بها الاجداد كلٍ وجدّه
ما كل من يُخْلَق بهالكون رجال = وما كل رجالٍ علومه تضدّه
الاصل واحد لكن المذهب اشكال = شيٍ يعَدْ وشي محدٍ يعدّه
يا صاحبي هذي مفاهيم الاجيال = شيٍ صحيح وشي منها مضدّه
والحِمْل حِمْل الحِمْل لا قيل رجال = والرجل لامن راح يشفي مردّه
[/poem]
15/1/2012 م