اشقيت عمـرك بلعناوالطلايـب
وليااعتزابـك واحدٍماتحـزمـت
مثل العجوزاللـي تلـم الكذايـب
تخلط سوالفهاعلى كثره الشمـت
عايب ومن ماشاك بدرب عايـب
مشيت في درب النمايم ونمنمـت
عقرب ثرى تلدغ بوسط الترايب
ويامامن اذيال العقارب تسممـت
احفظ لسانك وربطـه بلعصايـب
قبل نقصه وانت ماتعرف من انت؟
انت الذي فرقت بيـن القرايـب
وانـت الـذي شبيتهاماتشيـمـت
تشيل في صدرك جميع الشوايـب
وتقفل عليهاداخلك نظره الصمـت
لاجيت يم الناس ويش انت جايب
ابسألك باالله ماطحـت ماقمـت؟
على القدى مخطي ولانته بصايب
تشيل في قلبك كـلام وتحطمـت
اذكرتذكروقفـتـي بصـعـايـب
يوم انت حتى بلعمل ماترسمـت
تجيني وتشكي علـي المصايـب
واقوم وافزع للخـوي ماتلعثمـت
واذكر تذكروسط سوق الجلايـب
يومنهانقصت فلوسـك ولاسمـت
مديت لك كف الكرم باالسحايـب
واعطيك شيٍ بلعطى ماتندمـت
وشهو جزايـه ياشويرالعزايـب
هذاجزى من ساعـدك ماتلزمـت
للعهد والميثـاق بايـق وخـايـب
لاغزك الشيطان جيته ودرهمـت
انكان منته عن كلامـك بتايـب
اقسم قسـم بـاالله لاماتدمدمـت
لقطع لسانك من عروق السبايب
وتصيرعبره للعرب لاتلاجمت