السلام عليكم ورحمة الله وبركاته
حبيت انظم إلى هذا المنتدى الرائع بأصحابه وأعرض احدى قصائدي راجيا أن تنال اعجابكم
اطلقت قيد الشعر وامجوّد اعنانه
نظمت القـــوافي فتلــت البيـــت
فتـلة احبــالٍ قويــات ابمتــانه
يومني تهيضت للشعر وتهييت
أنقي سمينـــها وأترك الهزلانه
وأبجلب من خيالي يوم سجيت
يصغى لبيوتي جزلة ومليانه
وأطرب السامع يومني غنيت
أشيل حمــل بالظهر وأمتــانه
تركــت البعيد وأقرابي تعديت
كل يشكي همه لصحاب وأعوانه
وأنـــا أشكي همي للي ترجيــت
ثم أفضي ابشعري الحزن وأشجانه
ولا شفت البـــدر أقــــول ياليـــــت
تبقى قمرا ترى النفــس ونّـــانه
وسرحت وطرا عليه واستعديت
واهتز قلبـــي والشعــر ولســـانه
وياليت حزتي واقفٍ بها التوقيت
وأكتب في ذكـــر إلقصيدي زانه
وتروح ساعة سارح ما حسيت
على غرو تركنـــي كني في حانه
أتغّصب أضحك وأنا من الهم وليت
الله يلهمـــــني الصــبر وســـلوانه
على جنازة وصـــله اليوم صليت
والله قـــادرٍ يحيي عروق همـدانه
وياصل حبل مقطوع ياربي دعيت
كل وصوف الزين في البنات ندرانه
لا ضاق صدري فيه أغني ثم تسليت
يالقمــــر اللي عالي في مكــــانه
ياصنع اللي على قدره ما تعاليت
تكفــــى سلــم لــي على دار دانه
سلام به صــــافي الدمـــــع بليت
وان جالك سلم لي عليه وان كانه
رد بلغــــه عن اللي مني أوحيـــت
هــــــذا مجـــمل القــــول وتبـيــــــانه
ماقصرت اللي في خاطري ولا تماديت
أبدعـــــت قــــافي وثبتت عمـــــــدانه
وصـــلاة ربي على ذايــــع الصـــيت
مرســــــول اللي عمنـــا باحســـــانه
واصحـــــابه عدد ما استقبـــــل البيت
وسلامتكم