السلام عليكم ورحمة الله وبركاته ****
صباحكم ****جوري معطر****ومسائكم نسمات دافئة وليل مفعم برضا من الرحمن****
مدخل
صبحي مثل صبح امس مابه جديدي
وليلي كما ليلً مضى لي من ليال
يومي على الذكرى وعهد الوليدي
قلبي خلي الهم ماشال مثقال
واليوم يا صبح ن بدا لي بديدي
حتى الفرح ماعاد له فيه منزال
******** **** **** **** **** **** **** **** **** **** **** **** **** **** **** ****
(((((((()))))))))))))))
يالله ماغيرك طلبت ورجيته
يالواحد الفرد الصمد رب الأرباب
يارازق الذرة تحت ساس بيته
يامفرج الكربات علام ماغاب
جيتك وانا كلي ذنوبً حويته
من اخمص الأقدام الى عالي الناب
سنين من عمري غفلت ومشيته
دربي خطأ وكله متاهات وأعطاب
اتبع هوا نفسي بسوف وياليته
ماميزت عيني عظيمات الأسباب
واليوم انا الشيطان يالله خسيته
واعوذ بك يارب من كل ماعاب
تغفر لي الزلة وعفوك هقيته
في طاعتك يارب افتح لي ابواب
يوم إن كل ن في ذنوبه رميته
رحمتك وسعت كل مذب ومن تاب
مابين كن ويكون خلقً بغيته
حليم بعبادك عظيم ووهاب
مخرج
ياليل خذ مني تناهيت وأهات
وخذ مابقى من ذكرياتي والأحزان
لاتنتظر ياليل مني مسرات
ماعاد لي ياليل موطن وعنوان
حتى الأمل ياليل في داخلي مات
ماباقي الاشي وتقول قد كان
اختكم اللؤلؤة