السلام عليكم ورحمة الله وبركاته..
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ياقاف شعري ترا الابداع مطلوبي=ابدع ترا هاجسي يطرب ليا غنا[/poem]
غن القصيده بزين الغيد رعبوبي=غزال صيد(ن) تذير ماقرب منا
مافيه مثله ترا بالزين محبوبي=يازينه اللي نقش يديه بالحنا
ابو عيون(ن) نواعس منه ماتوبي=اللي خذا خافق(ن) فالصدر ممحنا
اللي ليا من لد بناظره صوبي=انا وقلبي بسهم العين يقتلنا
لاسلهمت بي عيون الزين عذروبي=انا وفكري عيون الزين شدنا
معسول شفه وفيه الزين مصبوبي=فيه الدلع والحلا بالزين مذهلنا
منتوق عنق(ن) قليل الخصر مخضوبي=حسين وصف(ن) وصوفه دوم تفتنا
مريوش عين(ن) جديله ليل مسكوبي= على متونه عسى المعبود يامنا
لاشفت زوله تقول العقل مسلوبي=اثمل على شوفته وان غاب جننا
دندنت لحن(ن) على ذكراه باسلوبي=انا وشعري على طاريه دندنا
غنيت لجله وفيه الناس غنوبي=غنيت بعده وانا في بعده معنا
وعذال قلبي بعد غيبته فرحوبي=وانا وقلبي بعد غيبته غربلنا
عسى دروبه تلاقي سكة دروبي=ونرمي بعد غيبة(ن) ثوب الجفا عنا
لــ/محمد بن غالب
..