للتواصل فقط ،،، لكم :
كلٍ نهـار العيـد جهـز ثيابـه
وانا نهار العيـد هلـت دموعـي
على حبيـبٍ راح قفـت ركابـه
شد الرحل ونيته في الرجوعـي
سافر وخلا الحزن يفتـح كتابـه
في غيبته كل الأماكـن تروعـي
غادر بحفظ الله واعلـن ذهابـه
وانا على لقياه اضمى واجوعـي
ياطير خذ منـي رسالـه عتابـه
قله ترى بعده مشتـت جموعـي
وقله تراني عايـشٍ فـي كأبـه
من يوم سافر مسندي راس كوعي
وقلـه ترانـي ماتحمـل غيابـه
يوميـن ولاشهـر ولا اسبوعـي
وقله ترى حبـه مكمـل نصابـه
في غيبته والله مخلـف طبوعـي
ياالله يامنشـي مناشـي سحابـه
ياالواحد المعبـود ربٍ سموعـي
سهل سفر قلبـي ذهابـه وايابـه
يارب انا طالبك عبـدك قنوعـي