ابزحمة الافكار يستاحِش شعوري في حِزن
يلتفت مدهوش للعالم اذا يطغى شعور
... انا لو لا الخوف من ربي شعوري ما سَكن
السما ابتحظن مداه وارضه من حوله تدور
يوقف وحوله الكواكب تتحد لاجله وتِجن
زلزل افكاره ابحجمه و عالمه ابمد العصور
انا ياعالم أشيل إحساس إن جار إحتظن
الضلوع بكف تعجز فكه وإن قِدرت يجور
تعصر الاعماق واتغني على صوتي يئن
تلتهم فيني برائة جَبر تِقتاته الكسور
آنا إنسانة أساوي شِعر وإحساسه مُدن
ومملكة روحي شظايا إن بغت ترخي تثور
وشوكها وحدة أحاسيسي في عالم منسجن
يطلب التحنان وناسه تجهل أسباب الفتور
آنا ربي ماخلقني ابغير قلبي الممتحن
والوله شيطان من إبليس إذا ينوي الظهور
زوبعة تحمل حنايايي وتعصف بالجفن
تمطر الاحساس عبرات الغضب حين العبور
وش أواجه يا زماني / وش أجابه يا زمن
الصمود ابحظرة الشيطان واحساس السطور
في طلاسم من جموح النفس الى ذبحي الثمن
تبدأ بعيني / وانفاسي / والى قلبي المرور
وجيت خشية نفسي من نفسي الى نفسي أحن
أحتظن لجموح فيني قاصدة أبني جسور
بين ذاتي وبين جوفي وبين كسرات البدن
أنحني من ضعف نفسي راثية قلبي الصبور