اهداء الى رجل المواقف وصاحب الصفات النبيله
الشيخ: مرضي سليمان الرفدي:
سلام الله على شيخ الوفا والطيب والنوماس
على اللي كاسبن طيب الفعول ومجد الاجدادي
على اللي في عيون اهل الوفا للطيبه نبراس
على اللي تعرف السلقا غلاه اجموع وافرادي
على اللي قل جنسه بالتواضع مع جميع الناس
على اللي حبه بطيب التعامل بيننا سادي
على اللي يجتمع فعله مع الصمله وقدح الراس
على اللي لو تبي تبدا بوصله يصبح البادي
على اللي يسبق اهل الطيب للجزله وفا واحساس
على اللي رقم جواله عن الوافين نشادي
على اللي عرفته تسوى الكثير وغالي الالماس
على اللي صدره بنار الحميا دوم وقادي
على اللي صبره وحلمه وصمته يعجب الجلاس
على اللي من غلا ربعه بقلبه جاهد اجهادي
على اللي تجتمع به نية الخير وقوي الباس
على اللي مجلسه لاهل الوفا والطيب ميرادي
على اللي لو بغيت اعدد افعاله على الكراس
اشوف الطيبه دايم لابو منصور تنقادي
سلام نرسله للشيخ مرضي دون كل الناس
معطر بالغلا والطيب والتقدير والكادي