السلام عليكم ورحمة الله وبركاته ,,
وأسعد الله أوقاتكم بكل خير.
قصيده تأمل أن تلامس مشاعركم .
,
,
,
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله لنا وشلون قلبك يطاوعْك=ما تتصل لو بس تصبح على خير
ياخي حرام تنام من دون ما اسمعك=تدري احبك غير عن هالبشر غير
وش بك على قلبن بحبه مبايعك=حبك قدر يالله بحسن المقادير
والله مابه في الغلا واحدن معك=لا يا غناة القلب غيرك مخاسير
وصلك حياتي اللي ذبحها مقاطعك=ياحبنا ياللي على شفة البير
تعبت ياشتاتي وانا احاول اجمعك=وشتتني عن واقعي بالتفاكير
أتعبني التفكير سبة تمنعك=ولا لقيت لحالتك اي تفسير
حتى دموعي انكرتها مدامعك=عزاه يادمعن جفته التعابير
كم لي وانا اترجاك واحاول اقنعك=ترجع لقلبن مل كثر المعاذير
اصدق معي بالله ومن الكذب دعك=ما للكذب ياصاحبي اي تبرير
كذبك واهمالك تقرب موادعك=وعشّن مابه امان ماحن له طير
[/poem]
,
,
وسلامتكم ..