صمت القصايد
لا تعتبين لياجفتني القصايد
ولا تفهمين ان القصايد عنيده
لوجت على نظم الدرر والقلايد
شاعرك يكتب كل يومً قصيده
المسأله ياملهمتني الفرايد
ان الشعر في حظرتك وسط قيده
كيف اوصفك بالشعر والوصف كايد
اعجز اطول الوصف وانتي بعيده
وكيف اذكرك بالحب والحب زايد
مااشوف كلمه في غلاتك جديده
اول احسب ان المعاني شدايد
حتى عرفت انك عليها شديده
ابلغ حديث الحب صمت القصايد
لا تحسبين ان القصايد عنيده
وليد السلطان