ذكرى وشال

[عبدالعزيز عبيد العدواني]

انا اكتب للخيال من الخيال ازوال فوق ازوال

مع غياب الحقيقه والحقيقه شمسها غابت



تمر اجيال بعد اجيال بعد اجيال بعد اجيال

ونفس الشاعر من اقصى شعور الوصف ما تابت



تجي قصه يجي موقف يجي طارق يهز جبال

يهز ابطال راحت من قديم الوقت ما هابت



مع العبره وقف ظل الشموخ وجرها موال

عسى اليمنى الطويله يا اشلهب الوقت ما عابت



تنحنح بالضلوع ولج بالخفاق حس رجال

حزام الوقت جنبي محزمي والنفس ما طابت



على درب(ن) وعر ضربتها عن هقوة العذال

توطيت الحجر وسهومهم من خلف ماصابت



يا عشق الأمس والحاضر عطيني من يديك الشال

ابشمه والمه والقلوب تحن يا ذابت



ابتنفس هواه وعطره اللي من سنه لا زال

يهز الشوق والفرقى رجاوي دونها خابت



عصت حرمانها واحيت حنين ودمعها ما سال

تحجر بالعيون وليتها من دمعها جابت



بقت واستانست ذكرى ولو طال الزمان وطال

يشيب القلب والذكرى شباب ولا بعد شابت

[أنـ الذكريات ـين]

يشيب القلب و الذكرى شباب ولا بعد شابت..



صح لسااانكـ يا عبدالعزيز..


جميله..



تحيتيـ

[عبدالرحمن الحميدي]

صح لسانك ياعبدالعزيز
ولا هنت قصيده جميله من
شاعر تعودنا منه الجزل دائماً.

[محمد بن ضاوي]

عبدالعزيز العدواني ,,,


صح لسانك ولاهنت على هالرائعه


وكل عام وانت بخير

[أبوعبدالرحمن]

جزله ورائعة

صح قلب وفكرك


وسلمت اناملك

تحيتي لك

[سلطانة غرام]

صح لسانك

[قطاع عسكري حكومي كامل]

صح لسانك

[بيان الغنامي]

صح لسانك ياعبدالعزيز
ولا خلا ولا عدم

[عبدالإله القبوري]

عبدالعزيز

لله درك والعدو مايضرك متكمن بحق

جزل وصح لسانك عدد حروف شعرك بلامدد

تقبل مروري واحترامي لسمؤك

[أمل عبدالعزيز]

.
.
.

عبدالعزيز العدواني الرائع:


ونص باذِخ يملأ النفس شعر وعذوبة وجزالة


حضور غير ياعبدالعزيز


ليلة كلها شعر بهكذا نص أيها المبدع..


صح قلبك وكلك ...