الليالي معتمه مير الله أعلم بالي صار
شي مايوصف وذي حال الليالي المعتمه
فيها غصب للنساء وفيها كسرن للوقار
وفيها شين نعلمه والخافي الله يعلمه
ليه حكام العرب ناموا عن حقوق الجوار!
ليه أمتنا تعيش الذل وهي مستسلمه؟!!
وين قيمتنا وحق اليعربي والإنتصار
ليه نبني صرح عزتنا ونرجع نهدمه !!
الله الي عزنا وشلون نرضى بالصَغار ؟؟
واحنا ياأمة محمد فوق مليار إنسمه
وين أحفاد الصحاب الي ملو كل الديار
وين طارق وين خالد وين عمرو وعكرمه؟؟!!
وين وقت المعتصم يوم إصرخت بنت الحرار
جاك من أقصى البلاد المُسلمه ..للمسلمه
مانبي قولت لقد كنا،، نبي ننفض غبار
والردود الحازمه ،،روس السيوف إترجمه
وأكفخوا مثل الصقور الغايره وضح النهار
وأكسروا قيد المذله في عيون الشرذمه
وإستردوا موية وجيه العرب في رد ثار
والظُلوم الي طغى،، ف الحق لازم نكرمه !!!
سعد بن عثمان العثمان
رابط صوتي للقصيدة:
http://www.rofof.com/9xzvpm16/Al-lyaly_M3tmh_2.html