. . . ( مايصرف هلل ) . . . !!

[منصور الحربي]

مساءكم سكر :

.

.

.

هنا كتبت الكثير , لم أضف لغرابيل بقدر ماأضافت لي الكثير , أهديكم أخر ماكتبت :

.

.

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الوقت قاسي والحياة أحلام والدنيا ملل = والعمر رحلة .. والظروف تغيّر قلوب الأنام
أحس في دورة خفوقي من سنة وأكثر خلل = وإذا عرفت بعلته .. أيقنت ماحوله ملام
بنى الحزن على ضلوعه من معاناته .. فلل = وشيّد على جرحه من الأوهام واللوعه خيام
ليت الملاك اللي زهاها الماس وأنواع الحلل = تحل قيده لين يتركني ولو ساعه .. وأنام
اللي غلاها في فؤادي غير .. مايصرف هلل = يكبر وهي تكبر معه بالقلب عام ٍ بعد عام
وش عاد باقي في خفوق ٍ كل ماطابت .. علل = ألحقته عيون الملاك للموت وضلوعه حطام
حتى غدى نصفين .. والنصفين يجمعها الشلل = الله يعجل بإلتئام القلب عقب الإنقسام
والله يعدي .. سيدة قلبي .. من الخطب الجلل = وإنه يسامحها على قل الوصل والإهتمام

[/poem]

.

منصور المعمري

24/8/2011م

[محمد بن ضاوي]

الوقت قاسي والحياة أحلام والدنيا ملل
والعمر رحلة .. والظروف تغيّر قلوب الأنام
,
,
الله ,, الله


وش هالزين يامنصور

الف صح لسانك ولاهنت على هالفاتنه

هنا كتبت الكثير , لم أضف لغرابيل بقدر ماأضافت لي الكثير , أهديكم أخر ماكتبت :

بالعكس يامنصور انت تضيف جمال للمكان اللي تتواجد فيه وياما وياما اعجبني قصايد كثير لك وسدت لزومي عن كتابة الشعر


مره ثانيه صح لسانك ولاهنت

[سامي العطاوي]

ياسلام يامنصور

شاعر جزل ومتمكن الله لايضرك

وفعلا مثل ماقال ابو ضاوي

صح لسانك ملايين

لاهنت

[عبدالرحمن الحميدي]

صح لسانك يامنصور ولا عدمتك
وبقصيدتك هذي أجزم انك شاعر
متمكن من الشعر لا خلا ولا عدم.

[أنـ الذكريات ـين]

صح لساااانكـ يا منصور..


رااائعه بمعنى الكلمه..


لا هنت..



تحيتيـ

[أبوعبدالرحمن]

مبدع دوما يا منصور

وكم اشتقنا لك ولحرفك

لله درك

وصح قلبك وكلك


والعيد عيدين بشوفة حرفك

تحيتي لك

[بيان الغنامي]

صح لسانك وبيض الله وجهك
قصيده رائعه من اروع ما قرئت
لاخلا ولاعدم

[سعود المسعد]

والله يعدي .. سيدة قلبي .. من الخطب الجلل//وإنه يسامحها على قل الوصل والإهتمام
صح لسانك يامنصور

[عـــكـــاش]

صح للسانك ولاهنت

اعجبتني بكل صرااااااااااااااحه

جزله من راس ً جزل

[ناصر أحمد الخريش]

لله درك يامنصور ايقاع هادي بهدوء الكون وثقيل بثقلك
صح لسانك وبيض الله وجهك وكل عام وانت بخير