[align=center]
اتجهنا بعد قضائنا في مدينة مونار 3 ايام إلى مدينة تيكادي .. وهي الحقيقة مدينة جميلة من ناحية طبيعتها وباردة لكن أدفأ شوي من مونار .. وتبعد تقريباً عن مونار 120 كيلو ونقضيها بـ 5 ساعات
وبطريقنا لتيكادي لـ حديقة البهارات
شوفوا أكبر ورقة بالعالم
يقولون .. كانوا يستخدمونها بديله للثياب .. تسترهم ..
شجرة القهوة
وهذي حبة القهوة .. لسى خضراء وطريّة
خلية نحل ..
وهنا مكان بيع البهارات
واشترينا من المزرعة هذي مجموعة كبيرة من البهارات والسبايسي .. الصدق الصدق عليها طعم ممتاااااااز
وفي طريقنا ما فوتنا فرصة ركوب الفيلة
التصوير من فوق راس الفيل ..
وصلنا لـ فندقنا ( سبايس فلج ) وهو عبارة عن فلل في منتجع .. يتميز بالهدوء والفخامة .. اختيار موفق الحمدلله
من أرجاء الفندق ..
وجبة سريعة .. سندويتش بالسمك .. كانت في استقبالنا .. وجات في وقتها
بعد ما ريحنا في الفندق زرنا العرض الشعبي الهندي .. ومحاربة ... ما أعجبتنا مرة .. !
وطلعنا من العرض هذا ورحنا .. لعرض مسرحي ( أبرد من عرض السيوف ) .. المشوار حذفة عصا
طبعاً الدليل أنه بارد ولا فيه ريحة الوناسة .. ابن ضاوي ومفرح خذوا لهم غطة ههههههههههههه
رجعنا للمنتجع .. وقعدنا نفرفر فيه .. ولقينا وحدة ترقص عند مطعم المنتجع .. مدري وش تبي بالضبط !!
وهذا رئيس الفرقة ..
وفي اليوم الثاني طلعنا بدري .. قبل طلوع الشمس واتجهنا إلى رحلة سفاري لـ الغابة ..
وهذي مناظر الطريق
استعدادنا لـ الانطلاق داخل الغابة
كل واحد فينا عايش دور بطولة فلم هههههههه
طبعاً صرفوا لنا لبس خاص علشان سلامتنا ( ما يدرون إن حنا شرسين )
كنا متوقعين تطلع علينا أسود ولا نمور .. ولا على الأقل ثعابين ..
كل واحد فينا ناوي يقتل أي حيوان وياكله
بس تتحمد ربها الحيوانات ما شفناها
أنا موجود في الصورة هذي .. مين يقدر يطلعني ؟؟
حملة تفتيش الملابس .. من حشرة العلق الطبي اللي أتعبنا نفسياً .. ( طبعاً حنا شفنا قبل اللي صار في ابن ضاوي وصرنا حريصين جدا جدا جدا ) وبدأ كل واحد يسوي مقلب في الثاني .. وأي واحد يحس بشيء على رجله ينقز من مكانه وينحاش
وأبدع أبو عبدالرحمن وابن ضاوي ومفرح أبيات بسبب العلق قالوا فيها :
برنامجٍ سوّى لشلتنا قلق /// كل الدروب اللي نجيها مغلقه .. !!
كلٍ يدوّر فوق رجلينه علق /// ويا ويل من يلقى على الرجل علقه هههههه
صغيرةٍ فالحجم جلّ اللي خلق /// لكنّها تملك خيانة مطلقه
قمنا نتناحش كنّ طاردنا سلق /// لو إننا فالهند ما شفنا سلقه
واحد مسك له خط والآخر زلق /// ما كننا إلا وسط صالة زحلقه
بعدها اتجهنا للقوارب
أبو ضاوي .. وأبو عبدالرحمن
استعداداً للتجديف وعبور النهر
مداعبة أبو ضاوي .. للعلق الباحث عن حرارة جسم الإنسان الله يقطع ابليسه
بعدها غادرنا المكان للعودة للمنتجع
وقفنا عند إحدى الصيدليات .. وحبيت آخذ لها لقطة
وفي طريقنا .. صادفنا إشارة غريبة ..
ههههههههههههههههه
بعد هالرحلة الممتعة رجعنا للمنتجع .. استعداد للمغادرة اليوم الثاني
وبعد ما صحينا اليوم الثاني .. رحنا لمطعم المنتجع .. وأفطرنا .. طبعاً الوجبة الرئيسية في الفطور هي البيض .. لأنه يضبطه قدام عينك وتقدر تحكم في كمية ( السبايسي )
والحقيقة وبدون مبالغة كانت مدينة حلووووة جدااااا
المحطة القادمة .. ( نهر ألبي -- يوم في الهاوس بوت )
[/align]