[frame="13 70"]
الدم سايل من ردى فعل الأنجاس
[poem=font="Tahoma,7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاتنشدون القلب وشفيه منحاس=دامه يشوف الظلم يتعب اكيدي
الموت في درعا كرامه ونبراس=والأم تفرح قدّمت له شهيدي
والدم سايل من ردى فعل الأنجاس=يامن سأل هاك الجواب المفيدي
حب البقاء في بعضهم صدّع الراس=لو يظهر المهزوز انه شديدي
واهل المذله تخنق شعوب وأنفاس=بشّار ضايق والمعمّر بليدي
وصالح يقاوم جاله اليوم وسواس=عن حالهم مافيه شخص ٍ سعيدي
مخطط الإجرام لو طال ينداس=مصيود هايم لايظنّه يصيدي
لكن رعاية كافل الرزق للناس=يحمي عباده من طغى اللي يكيدي
الحرب دارت والبشر عانت الباس=وعلى المواطن كيف يصهر حديدي
ووضع العرب ياعالم اليوم محتاس=دام الرئيس اليوم يمشي يبيدي
وحنا العرب تجتاحنا موجة الياس=والظلم نقمه والبلاوي تزيدي[/poem]
تقديري للجميع
والله يكشف الضر عن بلاد المسلمين
اللهم آآآآمين .[/frame]