لكل الزعماء
قالوا خذيت الكاس واقول يا هلال
............ المركز الأول خذيته .. وبعدين !!
اليوم هذا كاس والمجد لا زال
............ وبكرة بطولة ( زين ) للأزرق الزين
ودي بكلمة غير ( مبروك ) تنقال
............ حتى نجدد بعد ( واحد وخمسين ) !!
لا صار لاعبنا عن ألفين رجال
............ ونجومنا تسوى الذهب والملايين
وشلون ما نرقى منصات الأبطال
............ ونصير الأول فالصحف والعناوين
أبطالنا من عادهم وسط الأشبال
............ تعودوا حصد الذهب فالميادين
حتى غدوا فالموهبة مضرب أمثال
............ شوفوا فريق اليوم وأخذوا البراهين
من عشقنا صرنا نغني ( على البال )
............ ( والله يا جامع على الود قلبين )
ومن فخرنا صرنا نغني لعذال
............ من قدنا موتوا قهر يا مساكين